9 - Obair dhian: torthaí maithe san Ardteist

Pictiúir 1

Mí Feabhra a bhí ann agus bhí Máire ag caint leis an ngairmthreoraí.

Bhí spéis aici cúrsa ceimice a dhéanamh in Ollscoil na hÉireann, Gaillimh.

Dúirt an gairmthreoraí go raibh ceithre chéad pointe CAO ag teastáil.

Dúirt sé go raibh breis oibre le déanamh aici chun na póintí sin a bhaint amach.

Pictiúir 2

Rinne Máire cinneadh obair na gcapall a dhéanamh.

Cúpla lá ina dhiadh sin, d’iarr cara uirthi dul ag imirt cispheille léi.

Dhiúltaigh Máire di mar bhí a lán obair bhaile le déanamh aici.

Pictiúir 3

Coicís ina dhiaidh sin d’iarr Micheál uirthi dul go dtí an phictiúrlann leis.

Scannán iontach ba ea é, agus bhí sé ar siúl ag a hocht a chlog sa Savoy.

Dhiúltaigh Máire an cuireadh mar bhí aiste le déanamh aici.

D’oibrigh sí go dian dícheallach an oíche sin.

Pictiúir 4

Lean Máire uirthi ag staidéar go dian.

Tar éis tamaill d’éirigh a hathair buartha fúithi.

Dúirt an mháthair gur cailín ciallmhar í agus go mbeadh sí ceart go leor.

Ní raibh ach cúpla mí fágtha go dtí an Ardteist ar aon nós.

Pictiúir 5

Faoi dheireadh tháinig torthaí na hArdteiste amach.

Fuair Máire ceithre chéad caoga pointe. Bhí áthas an domhain uirthi.

Cheiliúr a cairde agus a tuismitheoirí a gaisce léi.

Pictiúir 6

Ag deireadh an tsamhraidh d’fhreastail Máire ar Ollscoil na hÉireann, Gaillimh.

Bhí sí ag tabhairt faoi chúrsa eolaíochta. Bhí sí ar mhuin na muice!

Bhí toradh ar a cuid oibre agus bhí ard-mholadh tuillte aici.