Pagsulat ng Talumpati at Abstrak

Mga bokabularyo at konsepto tungkol sa pagsulat ng talumpati at abstrak para sa SHS Piling Larangan.

Talumpati

Isang pormal na pagsasalita sa harap ng mga tagapakinig o audience na may layuning magbigay ng impormasyon o manghikayat kaugnay sa isang tiyak na paksa.

Panimula

Tinatawag din itong introduksyon; ito ang bahagi ng talumpati kung saan inilalahad ang pagpapakilala sa paksang tatalakayin.

Nilalaman

Bahagi ng talumpati na nagtataglay ng mahahalagang impormasyon mula sa iba-ibang sanggunian o references.

Paninindigan

Bahagi ng talumpati na naglalahad ng pananaw tulad ng pag-sang-ayon, pagsalungat, o pagiging neutral ng mananalumpati.

Pamimitawan

Tinatawag din itong paglalahat o pagbibigay ng konklusyon sa isang talumpati.

Impormatibo

Isang uri ng talumpati o abstrak na naglalayong magbigay ng impormasyon o magpaliwanag tungkol sa paksa.

Mapanghikayat

Uri ng talumpati na nakatuon sa mga paksa o isyung kinapapalooban ng iba-ibang pananaw o posisyon.

Impromptu o Biglaang Talumpati

Isinasagawa ang talumpating ito nang walang ano mang paunang paghahanda.

Ekstemporanyo o Pinaghandaang Talumpati

Talumpating maingat na inihahanda, pinagpaplanuhan, at ineensayo bago isagawa upang maging ispontanyo ang dating sa mga tagapakinig.

Abstrak

Maikling buod ng artikulong nakabatay sa pananaliksik, tesis, rebyu, o katitikan ng komperensya; kilala rin sa tawag na sinopsis o presi.

Motibasyon

Bahagi ng impormatibong abstrak na nagpapakita ng kahalagahan at kabuluhan ng pananaliksik.

Suliranin

Bahagi ng abstrak na naglalahad ng sentral na suliranin o tanong ng pananaliksik.

Pagdulog at Pamamaraan

Maikling paliwanag sa metodolohiya ng pananaliksik na makikita sa abstrak.

Resulta

Bahagi ng abstrak na nagpapakita ng mga natuklasan ng mananaliksik.

Kongklusyon

Bahagi ng abstrak na sumasagot sa mga implikasyon ng pananaliksik batay sa mga natuklasan.

Impormatibong Abstrak

Pinakakaraniwang uri ng abstrak na naglalaman ng halos 200 salita at lahat ng mahahalagang impormasyon mula sa pananaliksik.

Deskriptibong Abstrak

Mas maikling abstrak (kadalasang 100 salita) na naglalaman ng suliranin, layunin, metodolohiya at saklaw ngunit walang resulta at konklusyon.

Kritikal na Abstrak

Pinakamahabang uri ng abstrak na nagbibigay-ebalwasyon din sa kabuluhan, kasapatan, at katumpakan ng pananaliksik.