Masining

Idyoma

Kaugnay ng kaalamang panretorika, ang idyoma ay di-tuwiran o di-tahasang pagpapahayag na may kahulugang patalinhaga, malayo sa literal na kahulugan.

Alusyon

Isang pamamaraang panretorika na gumagamit ng pagtukoy sa isang tao, pook, katotohanan, o pangyayari na iniingatan sa alaala ng isang taong may pinag-aralan.

Aliterasyon

Pag-uulit ng mga tunog-katinig sa inisyal na bahagi ng salita.

Asonans

Pag-uulit ng mga tunog-patinig sa alinmang bahagi ng salita.

Konsonans

Pag-uulit ng mga tunog-katinig sa bahaging pinal ng salita.

Onomatopiya

Sa pamamagitan ng tunog o himig ng salita, naihahatid ang kahulugan nito.

Anapora

Pag-uulit sa unang bahagi ng pahayag o ng isang taludtod.

Epipora

Pag-uulit sa huling bahagi ng pahayag o taludtod.

Anadiplosis

Pag-uulit sa una at huli ng pahayag.

Pagtutulad

Di-tuwirang paghahambing ng magkaibang bagay, tao o pangyayari.

Pagwawangis

Tuwirang paghahambing na hindi gumagamit ng mga parirala tulad ng, kawangis ng, at iba pa.

Pagbibigay-katauhan

Inaaring tao ang mga bagay na walang buhay sa pamamagitan ng pagkakapit sa mga ito ng gawi o kilos ng tao.

Pagmamalanabis

Lagpas sa katotohanan o eksaherado ang mga pahayag kung pakasusuriin.

Pagpapalit-tawag

Nagpapalit ng katawagan o ngalan sa bagay na tinutukoy.

Pagpapalit-saklaw

Binabanggit ang bahagi bilang pagtukoy sa kabuuan.

Paglulumanay

Paggamit ng mga salitang nagpapabawas sa tindi ng kahulugan ng orihinal na salita.

Retorikal na tanong

Isang uri ng pagpapahayag na hindi naman talaga kailangan ng sagot; layunin ay maikintal ang mensahe.

Pagtatambis

Paggamit ng mga salita o pahayag na magkasalungat.

Paguyam

May layuning mangutya ngunit itinatago sa paraang nagbibigay-puri.