Aralin 1: Mga Palatandaan at Katangian ng Kamalayang Pangkasaysayan

Mga bokabularyo at konsepto tungkol sa kahulugan, palatandaan, at katangian ng kamalayang pangkasaysayan batay sa aralin.

Kasaysayan

Hindi lamang talaan ng nakaraan, ito ay nagbibigay kahulugan sa kasalukuyan at nagiging gabay sa hinaharap.

Kamalayang Pangkasaysayan (Historical Consciousness)

Isang aktibong proseso ng pag-iisip at pag-uugnay ng mga ideya at karanasan sa nakaraan upang maunawaan ang kasalukuyan.

Zeus Salazar

Historyador na nagsabing ang tunay na kasaysayan ay dapat "may saysay" para sa mga taong pinag-aaralan ito.

Kahalagahang Pangkasaysayan (Historical Significance)

Pagkilala kung bakit mahalaga ang isang tao, pook, o pangyayari sa kasaysayan dahil sa epekto nito sa kasalukuyan at hinaharap.

Primaryang Batis (Primary Sources)

Mga direktang ebidensya o dokumento mula sa panahon ng pangyayari gaya ng liham, talaarawan, talumpati, larawan, at batas.

Sekundaryang Batis

Mga sangguniang naglalarawan o nagsusuri sa mga primaryang batis gaya ng artikulo, textbook, at social media.

Pagpapatuloy at Pagbabago (Identifying Continuity and Change)

Pagtukoy sa mga aspeto ng lipunan, gawi, o paniniwala na nananatili o nagbabago sa paglipas ng panahon.

Sanhi at Bunga (Analyzing Cause and Consequence)

Kakayahang suriin ang mga dahilan kung bakit nangyari ang isang kaganapan at ang kaukulang epekto nito sa lipunan.

Perspektibong Pangkasaysayan (Taking Historical Perspectives)

Pag-unawa sa mga paniniwala at motibasyon ng mga tao sa nakaraan sa konteksto ng kanilang sariling panahon.

Historical Distortion

Ang pagbaluktot ng kasaysayan na tinututulan ng isang taong may sapat na kamalayang pangkasaysayan.

Pamanang Pangkasaysayan

Mahalagang bahagi ng pagkakakilanlang Pilipino na dapat pahalagahan at ingatan.