AP 1

Mga bokabularyo at konsepto tungkol sa heograpiya, mapa, globo, mga guhit pangkaisipan, at ang tiyak at relatibong lokasyon ng Pilipinas.

Mapa

Patag na representasyon ng lahat ng bahagi ng mundo sa isang patag na ibabaw (flat surface).

Globo

Maituturing na modelo ng mundo dahil sa hugis nitong oblate spheroid.

Heograpiya

Ang pag-aaral sa pisikal na katangian ng daigdig, ng iba't ibang bansa o lugar sa mundo, at ang relasyon ng tao sa kanyang kapaligiran.

Geo

Salitang Griyego na nangangahulugang mundo.

Graphein

Salitang Griyego na nangangahulugang sumulat o ilarawan.

Kartograpiya

Ang sining ng paggawa ng mapa at globo.

Kartograpo

Ang taong gumagawa ng mapa at globo.

Titulo

Elemento ng mapa kung saan malalaman kung anong uri ng mapa ang tinitingnan.

Legend

Elemento ng mapa na nagpapaliwanag sa iba't ibang simbolo o palatandaang ginagamit sa isang mapa.

Pangunahing Direksiyon

Tinatawag ding cardinal directions na kinabibilangan ng Hilaga, Timog, Silangan, at Kanluran.

Pangalawang Direksiyon

Tinatawag ding intercardinal o intermediate directions na nakapagitan sa mga pangunahing direksiyon, tulad ng Hilagang-Silangan, Hilagang-Kanluran, Timog-Silangan, at Timog-Kanluran.

Global Positioning System (GPS)

Ang natatanging Global Navigation Satellite System (GNSS) sa mundo na nilikha noong 1973 ng Kagawaran ng Depensa ng Estados Unidos upang tumukoy ng tiyak na lokasyon, bilis, direksiyon, at oras.

Guhit Pangkaisipan

Tinatawag ding imaginary lines; mga guhit na nilikha upang madaling matukoy ang tiyak na lokasyon, hugis, laki, at sukat ng mga lugar.

Latitud (Parallel)

Mga linyang pahiga o tumatakbo pasilangang-kanlurang direksiyon paikot sa mundo na nagtutukoy sa distansiya ng mga lugar mula sa ekwador.

Longhitud (Meridian)

Mga linyang patayo o tumatakbo mula sa polong hilaga patungong polong timog na nagsasaad ng distansiya mula sa prime meridian.

Prime Meridian

Guhit na kumakatawan sa simula ng mga guhit longhitud na nasa $0^\bullet$ longhitud at may kabuoang sukat na $180^\bullet$ na naghahati sa mundo sa Kanlurang Hemisphere at Silangang Hemisphere.

Ekwador

Isang malaking guhit parallel na may sukat na $360^\bullet$ at matatagpuan sa zero digri ($0^\bullet$) latitud na naghahati sa mundo sa Hilagang Hemisphere at Timog Hemisphere.

Tropiko ng Kanser

Ang parallel na nasa $23.5^\bullet$ hilaga ng ekwador at ang pinakahilagang hanggahan na naaabot ng bertikal na sinag ng araw.

Tropiko ng Kaprikornyo

Ang parallel na nasa $23.5^\bullet$ timog ng ekwador at ang pinakatimog na lugar na naaabot ng bertikal na sinag ng araw.

Kabilugang Arktiko

Ang parallel na nasa $66.5^\bullet$ hilaga ng ekwador at ang pinakahilagang hanggahan na naaabot ng pahilis na sinag ng araw.

Kabilugang Antartiko

Ang parallel na nasa $66.5^\bullet$ timog ng ekwador at ang pinakatimog na hanggahan na naaabot ng pahilis na sinag ng araw.

Grid

Ang pinagsama-samang guhit latitud at longhitud na ginagamit na batayan sa pagtukoy ng eksaktong lokasyon ng isang lugar.

Tiyak o Absolute na Lokasyon

Pagtatakda ng eksaktong lokasyon ng isang lugar sa pamamagitan ng grid ng latitud at longhitud.

Lawak na Heograpikal

Tinatawag ding geographical extent; ang lawak na nasasaklaw ng isang bansa sa pamamagitan ng mga distansiyang longhitudinal at latitudinal.

Relatibong Lokasyong Kontinental

Ang relatibong lokasyon para sa mga lugar na lubusang napaliligiran ng mga lupain.

Relatibong Lokasyong Maritime (Insular)

Ang relatibong lokasyon para sa mga pulo o kapuluang bansa na matutukoy sa pamamagitan ng mga nakapaligid na katawan ng tubig.

Relatibong Lokasyong Bisinal

Ang relatibong lokasyon na matutukoy gamit ang mga kalapit na bansang nakapalibot sa isang lugar.