Sure en basisse

Arrhenius-teorie

Arrhenius-teorie

‘n Suur is ‘n stof wat hidroniumione vorm wanneer dit in water oplos.

‘n Basis is ‘n stof wat hidroksiedione vorm wanneer dit in water oplos

Lowry-Bronsted-teorie

‘n Suur is ‘n protonskenker.

‘n Basis is ‘n proton ontvanger

Sterk suur

Ioniseer volledig in water om ‘n hoe konsentrasie H3O+-ione te vorm

Swak suur

Ioniseer onvolledig in water om ‘n lae konsentrasie H3O+-ione te vorm

Sterk basis

Dissosieer volledig in water om ‘n hoe konsentrasie OH- -ione te vorm

Swak basis

Dissosieer/ioniseer onvolledig in water om ‘n lae konsentrasie OH- -ione te vorm

Gekonsentreerde sure/basisse

Bevat groot hoeveelhede suur/basis in verhouding met volume water

Verdunde sure/basisse

Bevat klein hoeveelhede suur/basis in verhouding met volume water

Hidrolise

Reaksie van sout met water

Ekwivalente punt van ‘n titrasie

Die punt waar die suur/basis volledig met die basis/suur gereageer het

Eindpunt van titrasie

Die punt waar die indikator van kleur verander

Kw- ewewigskonstante

ewewigskonstante vir die ionisasie van water of die ioonproduk van water of ionisasiekonstante van water

Outo-ionisasie van water

die reaksie van water met water om H3O+-ione en OH- -ione te vorm

Suur-basis indikator

‘n Kleurstof wat gebruik word om tussen suur-en basis oplossings te onderskei deur middel van kleurverandering wat dit ondergaan in hierdie oplossing

Amfoliet

‘n Stof wat as of ‘n suur of ‘n basis kan optree in ‘n reaksie

Gekonjugeerde suur/basis paar

Twee verbindings of ione wat van mekaar verskil in die teenwoordigheid van een H+ ioon

Diprotiese suur

‘n Suur wat twee protone kan skenk

Dissosiasie

Die proses waardeur ioniese verbindings in ione opgebreek word

Ionisasie

Die proses waarin ione gedurende ‘n chemiese reaksie gevorm word

Ka waarde

Ionisasie konstante vir ‘n suur

Kb waarde

Dissosiasie of ionisasie konstante vir ‘n basis

Monoprotiese suur

‘n suur wat een proton kan skenk

Neutralisasie

Die reaksie van ‘n suur met ‘n basis om ‘n sout en water te vorm

Standaardoplossing

‘n Oplossing waarvan die konsentrasie presies bekend is

Ioonproduk vir water

Die produk van die ione wat tydens outo-ionisasie van water vorm

pH

Die negatiewe logaritme van die hidroniumioonkonsentrasie in mol.dm-3

pH-skaal

‘n Skaal van 0-14 wat as maatstaf van die suurheid of alkaliniteit van oplossings gebruik word waar pH=7 neutraal is , pH>7 basies is en pH<7 suur is.

Sout

Die ionsiese verbinding wat die produk is van ‘n neutralisasiereaksie

Titrasie

Die prosedure vir die bepaling van die hoeveelheid suur in ‘n oplossing deur bepaling van die volume basis van bekende konsentrasie wat volledig daarmee sal reageer.