Flashcards nga Oftalmologjia

Flashcards me koncepte dhe terma kyç nga pyetjet e ligjëratave dhe testeve të oftalmologjisë.

Hordeolum

Inflamacion akut i gjëndrave të Meibomit (hordeolum internum) ose i gjëndrave Zeiss dhe Moll (hordeolum externum).

Akomodimi

Proces i mundësuar nga trupi qerpikor me kristalinin, gjatë të cilit kristalini e rrit fuqinë e tij refraktive.

Kornea

Strukturë konvekse dhe avaskulare e syrit, e cila përbën 2/3 e fuqisë refraktuese të syrit.

Iridocikliti

Inflamacion i irisit dhe trupit ciliar ku bebëza e syrit zakonisht është më e ngushtë se normalisht.

Sindroma Horner

Gjendje patologjike e cila karakterizohet me miozë dhe ptozë (dhe jo me midrijazë).

Bebëza tonike

Anomali pupillare e cila haset te Sindroma Adie (dhe nuk haset te Sindroma Horner apo Miastenia gravis).

Miastenia gravis

Sëmundje autoimune ku simptomat okulare janë maksimalisht të theksuara në fund të ditës.

Sytë amaurotik

Sy të verbër te të cilët bebëzat janë të gjëra.

Camera anterior (Dhoma e përparme)

Hapësira e përparme e syrit e cila është më e thellë në qendër.

Rjeta e Amslerit

Mjet ekzaminimi që shërben për të vlerësuar pjesën qendrore të retinës.

Tabelat e Ischiharës

Tabela ekzaminuese që shërbejnë për testimin e aftësisë së dallimit të ngjyrave.

Proptoza graduale

Dalje e bulbit okulofacial që shfaqet në mënyrë graduale te oftalmopatia endokrine.

Edema e retinës

Gjendje ku retina humb transparencën e saj normale dhe merr ngjyrë të bardhë.

Papilledema (Papilla stagnans)

Edemë dhe prominencë e papilës së nervit optik me vizus të ruajtur, ku dhimbja gjatë lëvizjes së bulbit nuk është karakteristikë.

Retinopatia diabetike joproliferative

Stadi i retinopatisë diabetike që karakterizohet me mikroaneurizma, gjakderdhje, edemë dhe eksudate në retinë.

Cotton-wool eksudatet

Ndryshime patologjike në fundus të syrit që dominojnë te pacientët me AIDS.

Hemoftalmusi

Gjakderdhje e lokalizuar brenda trupit qelqor (corpus vitreum) të syrit.

Hifema

Grumbullim i gjakut në dhomën e përparme të syrit (Camera anterior).

Degjenerimi senil i njollës së verdhë

Sëmundje e retinës që mund të shkaktojë humbje kronike të të parit.

Ndryshimet e kryqëzimit arterio-venoz

Shenja retiniane domethënëse për hipertensionin sidomos nëse hasen pas bifurkacionit të parë.