7. Gadaíocht ar an Traein

1

· An mhí seo caite bheartaigh Máire agus Síle imeacht go cathair na Gaillimhe don deireadh seachtaine.

· Thug a dtuismitheoirí síob dóibh go dtí an stáisiún traenach.

· Bhí siad ag tnúth go mór leis an deireadh seachtaine.

· Bhí imní ar a dtuismitheoirí, áfach, agus d'iarr siad orthu a bheith cúramach.

2

· Níorbh fhada gur ghluais an traein amach as an stáisiún.

· Bhí Máire agus Síle suite ar a sáimhín só.

· Bhí fear le spéaclaí gréine air suite in aice leo.

· Thosaigh na cailíní ag caint faoin deireadh seachtaine agus rinne siad neamhaird d'fhear na spéaclaí gréine.

· D'fhág Máire a sparán ar an mbord.

3

· Tar éis tamaill, thit na cailíní ina gcnap codlata.

· I bpreabadh na súl, bhí an sparán tógtha ag an bhfear.

· Ní fhaca duine ná deoraí é.

· Is léir go raibh sé ag faire ar a sheans ó shuigh na cailíní in aice leis.

· D'imigh sé leis ar nós na gaoithe.

4

· Dhúisigh na cailíní.

· Ní raibh tásc ná tuairisc ar an sparán.

· Ba bheag nár thit Máire i laige. Scread sí in ard a cinn is a gutha.

· Chuardaigh siad an carráiste ó bhun go barr.

· Ba ansin a thuig siad go raibh an sparán tógtha ag an bhfear.

5

· Ghlaoigh siad ar an gcigire traenach ar an bpointe boise agus d'inis an scéal dó.

· Bhí an cigire traenach an-tuisceanach agus cabhrach.

· Chuir sé glaoch ar stáisiún na nGardaí i gcathair na Gaillimhe.

6

· Níorbh fhada ina dhiaidh sin gur shroich an traein ceann scríbe.

· D'imigh an gadaí den traein ar luas lasrach ach tháinig na Gardaí air agus rug siad greim an duine bháite air.

· Tugadh an sparán ar ais do Mháire.

· Bhí an t-airgead ar fad ann agus áthas an domhain ar Mháire.