NERO - 13 Spookstories

"Die oomblik toe ek die glas hoor breek, is ek wawyd wakker." (Bl.42)

Wie praat hier?

Alec

Wat het Alec laat wakker skrik?

Hy het glas hoor breek.

Waarmee was Alec besig vóórdat hy aan die slaap geraak het?

Hy was besig om plakkate te maak en in te kleur.

Waarom maak Alec die plakkate?

Sy hond, Nero, het weggeraak en hy hoop dat mense hom sal help om Nero te kry/ om Nero op te spoor.

Wat dink Alec het gebeur?

Hy dink sy ouma het dalk haar waterglas laat val.

Waar het Alec aan die slaap geraak?

By die eetkamertafel.

Waarom kleur Alec die plakkate in?

Hy het nie 'n kleurdrukker nie. (colour printer) en

hy hoop dat mense dit makliker sal raaksien. (notice)

Waarmee kleur Alec die plakkate in?

Met 'n koki

Wat staan in rooi letters bo-aan die plakkaat?

LOST/VERLORE

Wie se foto is op die plakkaat?

Nero - sy hond.

Beskryf die foto van Nero op die plakkaat.

Nero staan met 'n rugbybal in sy bek.

Wie is Nero?

Alec se verlore hond, hy is 'n "Great Dane".

Wie se selfoonnommer verskyn (appears) op die plakkaat?

Alec se ma se selfoonnommer.

Waarom sit Alec NIE sy eie (own) nommer op die plakkaat NIE?

Jou selfoon word afgevat as jy dit by die skool aansit / jy mag nie jou selfoon by die skool gebruik nie. [Hy is bang dat dat mense hom nie in die hande sal kry gedurende die skooldag nie]

Wat besef (realize) Alec die tweede keer wat hy 'n geluid (sound) hoor?

Hy besef daar is inbrekers.

Waarom dink Alec dat daar inbrekers is? (Wat hoor hy in die huis?)

Hy hoor glas wat breek en dan skuifelende voetstappe.

Waarom wil Alec die paniekknoppie (panic button) druk?

Hy wil die veiligheidsmaatskappy (security company) laat weet dat daar moeilikheid (trouble) is.

Waarom kan hy NIE die paniekknoppie druk NIE?

Die paniekknoppie is in die sitkamer en die geluide kom van die sitkamer af.

Hoe weet ons dat hy versigtig (carefull) is?

Hy sluip voetjie vir voetjie tot by die sitkamer se deur en loer dan vinnig om die deurkosyn. (door frame)

Wat sien Alec in die sitkamer?

Dit is donker maar hy sien twee mans, een het 'n flits (flashlight) en die ander een het 'n mes (knife).

Wat gebeur toe die inbrekers vir Alec sien?

Hulle wil hom gryp/vang maar hoor dan 'n harde gromgeluid.

Wat is die "gromgeluid" wat hulle hoor?

Alec herken (recognizes) Nero se blaf.

Wat het Alec se pa altyd gesê van Nero se blaf?

Nero blaf nie, hy brul.

Wat doen Alec en sy ouma?

Alec hardloop met die trap op; hulle sluit hulself in ouma se kamer toe en bel die veiligheidsmaatskappy.

Beskryf kortliks (describe briefly) hoe die inbrekers reageer (react).

Hulle skrik vir die blaffende hond en hardloop weg.

Wie kom daarna by die huis aan?

Alec se ouers en die veiligheidsmaatskappy.

Waarom is Alec so bly?

Hy dink Nero het teruggekom /

Hy dink Nero is terug.

Watter nuus gee Alec se pa vir hom?

Alec se pa vertel dat 'n man vroëer gebel het,

dat hy Nero langs die treinspoor gekry het en

dat Nero reeds dood was .

Hoe het die man geweet wie se hond dit is? /

Hoe het die man geweet aan wie die hond behoort?

Die man het 'n plaatjie op Nero se halsband gesien, met Nero se naam en Alec se ma se selfoonnommer op.