(34) Aftësitë psikofizike dhe shëndetësore dhe siguria e ngasjes. Alkooli ndikon në mënyrën më të rrezikshme mbi aftësinë për ngasje

Kush është faktori dhe shkaktari dominant i aksidenteve në komunikacion?

Njeriu, por një ndikim të madh ushtron edhe influenca e ambientit, e mjeteve, e kushteve të rrugës, e sinjalizimit rrugor, e faktorit klimatik e kështu me radhë.

Çka e karakterizon njeriun si faktor më të rëndësishëm të sigurisë së komunikacionit?

• aftësitë psikofizike,

• gjendja shëndetësore,

• shprehitë,

• dijenia, përvoja...

Çka ka ndikim të madh në gjendjen psikofizike të ngasësit?

• alkooli,

• barërat, ose drogat,

• lodhja,

• sëmundjet akute dhe kronike,

• mikroklima e disfavorshme, zhurma, vibracionet,

• të ushqyerit,

• duhani.

Çka nënkuptohet me aftësinë shëndetësore?

Posedimi i tipareve të caktuara psikike dhe fizike, që bëjnë të mundur ngasjen e sigurt.

Aftësia shëndetësore, vlerësohet me sistemin e vizitave mjekësore (vizitat e para, të përsëritura dhe kontrolluese).

Kush mund të sjellë në mënyrë të shkurtër ose të përhershme paaftësinë e ngasjes?

Çdo sëmundje akute ose kronike.

Sëmundja kronike dhe paaftësia për ngasje?

Sëmundjet kronike, në fazën e vështirësimit të shëndetit, shpien në paaftësinë e përkohshme për ngasje, e në fazën e qetësimit të sëmundjes, është e mundur ngasja e sigurt. Ngasësi, të cilit i është lejuar ta drejtojë mjetin motorik, duke bartur syzat, është i obliguar t'i bartë syzat, gjithmonë kur drejton mjetin. Sjellja asociale e ngasësit është një gjendje psikike, që ndikon në mënyrë të disfavorshme mbi sigurinë e komunikacionit.

Sëmundjet akute dhe paaftësia për ngasje?

Sëmundjet akute, të shoqëruara me temperaturë, rraskapitje, rrënqethje, kokëdhembje, flamë, kollitje, ngërçe në bark, jashtëqitje, mund të shpien në paaftësinë për ngasje ç'prej disa orëve deri në disa javë.

Nëse, fill para fillimit të ngasjes, vozitës ndien: alivanosjen, marramendjen, temperaturën e lartë, spazmën, dhimbjen e fuqishme pas eshtrave të gjoksit me fërkimin (dridhjen) e dorës së majtë, paralizën kalimtare të dorës, ose këmbës nga njëra anë, çrregullimet e të pamurit, ngushtimin e këndit të të pamit, njohjen e dobët të objekteve të largëta, të pamurit paksa më të dobtë në muzg, duhet ta lërë ngasjen dhe t'i drejtohet mjekut për këshillë.

Si ndikon alkooli mbi aftësinë e ngasësve?

Konsumimi i pijeve alkoolike e shpie njeriun në gjendje ireale, ndërsa të gjitha shkallët e ndikimit të alkoolit veprojnë në mënyrë të pavolitshme mbi aftësinë e ngasësve.

Marrja e sasive të vogla të alkoolit me drogën, ose me medikamentet psikoaktive, intensifikon ndikimin e përbashkët të pavolitshëm (dehjen).

Ngasësi nën ndikimin e alkoolit, nuk guxon të drejtojë automjetin në rrugë, nëse është konstatuar se sasia e alkoolit në gjakun e kapërcen kufirin e paraparë, ose nëse shfaq shenjat e trazimit.

Gjatë konsumimit të dozave më të vogla të alkoolit (gjer në 0,2 promila) ndodh zvogëlimi i koncentrimit.

Efekti i alkoolit, doza 0,2 - 0,5 promilë?

Paaftësia që dritat në lëvizje e sipër të shihen, ose të alokohen saktësisht, problemet në valorizimin e distancës dhe tendencave që njeriu të ndërmarrë rreziqe më të mëdha.

Efekti i alkoolit, doza 0,5 = 08 promil?

Vështirësimi i vlerësimit të distancës dhe i adaptimit të syve ndaj kushteve të ndërrimit të intensiteti të dritës, ndjeshmëria e dobësuar ndaj ngjyrës së kuqe, dobësimi i fortë i zotësisë për reagim dhe përqëndrim, ekuilibri i dobësuar.

Efekti i alkoolit, doza 0,8 - 1,2 primile?

Shfaqet euforia e tejvlerësimit të aftësive vetiake, dobësimi i të pamurit periferik (të pamurit në tunel), dobësimi i shtuar ndaj dukurive të ndritshme e të errta, përceptimi i dobët i pengesave, përkeqësimi i aftësisë së vlerësimit të dimensioneve.

Mamurlluku ?

Zvogëlon aftësinë e ngasjes, shfaqet si pasojë e marrjes së sasisë më të madhe të alkoolit. Ky është një efekt i vonuar i alkoolit dhe paraqitet pas disa orëve (madje përtej 24 orëve), nga marrja e alkoolit.

Manifestohet me kotje, me ngadalësimin e reflekseve, me këputje, kokëdhembje, me rritjen e etjes, zvogëlimin e përqëndrimit, me çrregullimin e të vërejturit dhe mbamendjes.

Mamurrluku është shkaktar i shpeshtë i aksidenteve të komunikacionit.

Efekti i mamurllukut, doza 1,2 - 1,4 promilë ?

Fillimi i paaftësisë së plotë për ngasje, përkeqësimi i mëtejshëm i të pamurit periferik dhe përshtatja në dritë, euforia ekstreme, mbivlerësimi i aftësive vetanake, dobësia, reagimet bukur të vonuara dhe të dobësuara, dobësimi mesatar, ose i theksuar i drejtpeshimit.