Reviewer sa Ekonomiks at Pagkonsumo

MGA LECTURE FLASHCARDS: Isang hanay ng mga vocabulary flashcards tungkol sa batayang konsepto ng ekonomiks, mga sistemang pang-ekonomiya, produksyon, at mga pamantayan at pananagutan ng konsyumer.

Konsyumer (o Mamimili)

Ang tawag sa mga taong kumukunsumo o bumibili ng mga produkto at serbisyo upang matugunan ang kanilang mga pangangailangan at kagustuhan.

Pangangailangan

Mga bagay na kapag nawala ay nagdudulot ng matinding paghihirap o mga bagay na hindi mabubuhay ang mga tao kung wala ang mga ito.

Kagustuhan

Mga bagay na nagpapagaan ng pamumuhay at nakakatulong upang mas mapabilis ang mga gawain, ngunit maaari pa ring mabuhay ang mga tao kahit wala ang mga ito.

Traditional Economy

Unang anyo ng sistemang pang-ekonomiya kung saan ang kasagutan sa pangunahing katanungang pang-ekonomiko ay nakabatay sa tradisyon, kultura, at paniniwala.

Market Economy

Sistemang pang-ekonomiya kung saan ang kasagutan sa pangunahing katanungang pang-ekonomiko ay ginagabayan ng mekanismo ng malayang pamilihan at ang bawat kalahok ay kumikilos alinsunod sa pansariling interes.

Command Economy

Sistemang pang-ekonomiya kung saan ang ekonomiya ay nasa ilalim ng komprehensibong kontrol at regulasyon ng pamahalaan na pinangangasiwaan ng sentralisadong ahensiya.

Mixed Economy

Sistemang pang-ekonomiya na kinapapalooban ng pinagsamang elemento ng market economy at command economy.

Presyo

Tumutukoy sa halagang katumbas ng produkto o serbisyong ating binibili.

Demonstration Effect

Salik ng pagkonsumo kung saan ang mga mamimili ay madaling maimpluwensyahan ng mga bagay na kanilang nakikita o naririnig sa telebisyon, radyo, o social media.

Produksyon

Proseso ng pagpapalit-anyo ng produkto sa pamamagitan ng pagsasama-sama ng mga salik upang makabuo ng output.

Input

Ang mga salik na ginamit at kinailangan upang mabuo ang isang produkto.

Output

Ang produktong nabuo mula sa pagsasama-sama ng mga salik ng produksyon, tulad ng mesa at silya.

Lupa

Salik ng produksyon na may naiibang katangian sapagkat ito ay fixed o takda ang bilang.

Lakas-Paggawa

Salik ng produksyon na tumutukoy sa kakayahan ng tao sa produksyon ng kalakal o serbisyo.

White-collar Job

Uri ng lakas-paggawa na binubuo ng mga manggagawang may kakayahang mental.

Blue-collar Job

Uri ng lakas-paggawa na binubuo ng mga manggagawang may kakayahang pisikal.

Kapital

Tumutukoy sa kalakal na nakalilikha ng iba pang produkto upang mas maging mabilis ang paggawa.

Entrepreneurship

Tumutukoy sa kakayahan at kagustuhan ng isang tao na magsimula ng isang negosyo at mag-ugnay sa iba pang mga salik ng produksiyon.

Mapanuring Kamalayan

Tungkulin ng mamimili na maging listo at mausisa tungkol sa gamit, halaga, at kalidad ng mga paninda at paglilingkod.

Bureau of Food and Drugs (BFAD)

Ahensiya ng pamahalaan na tumutulong hinggil sa hinaluan, pinagbabawal, o maling etiketa ng gamot, pagkain, pabango, at make-up.

Department of Trade and Industry (DTI)

Ahensiya ng pamahalaan hinggil sa paglabag sa batas ng kalakalan at industriya, tulad ng maling etiketa ng produkto at madayang gawain ng mangangalakal.

Energy Regulatory Commission (ERC)

Ahensiya na tumatanggap ng reklamo laban sa pagbebenta ng di-wastong sukat o timbang ng mga gasolinahan at mangangalakal ng Liquified Petroleum Gas.

Ekonomiks

Isang sangay ng Agham Panlipunan na mayroong layuning pag-aralan ang kilos at pagsisikap ng mga tao sa paggamit ng mga limitadong pinagkukunang-yaman upang matugunan ang walang katapusang pangangailangan at kagustuhan sa buhay.

Oikonomia

Salitang Griyego kung saan nagmula ang salitang Ekonomiks, na hango sa oikos (bahay) at nomos (pamamahala).

Maykroekonomiks

Sangay ng ekonomiks na sumusuri o tumatalakay sa maliit na yunit ng bansa tulad ng mga maliliit na negosyo, sambahayan, at bahay-kalakal.

Makroekonomiks

Sangay ng ekonomiks na tumutukoy sa kabuuang dimensyon ng ekonomiya at nakatuon sa pag-aaral sa buong ekonomiya ng isang bansa.

Trade-off

Pagpapaliban ng pagbili o pagpili ng isang bagay upang makamit ang ibang bagay.

Opportunity Cost

Tumutukoy sa halaga ng bagay o best alternative na handang ipagpalit sa bawat paggawa ng desisyon.

Incentives

Mga pakinabang na makukuha o mga karagdagang halaga na makapagpapataas ng halaga ng isang desisyon.

Marginal Thinking

Proseso ng pag-aanalisa sa kung paanong ang isang desisyon ay mas makakapagbigay ng pinakamalaking potensyal na balik kaysa sa gastos.

Kakapusan

 Isang permanenteng kondisyon kung saan ang mga resources ay hindi sapat upang matugunan ang lahat ng walang katapusang pangangailangan at kagustuhan ng tao.

Kakulangan

Isang pansamantalang sitwasyon na nangyayari kapag ang demand para sa isang partikular na produkto o serbisyo ay mas mataas kaysa sa kasalukuyang suplay.