Mga Antas ng Komunikasyon ng Wika

Ang mga flashcards na ito ay sumasaklaw sa mga antas ng komunikasyon kabilang ang intrapersonal, interpersonal, pampubliko, pangmasa, at pang-organisasyon batay sa tinalakay sa klase.

Ano ang sistema ng mga salita, simbolo, at tuntunin na ginagamit upang maipahayag ang kaisipan at damdamin?

Wika

Ano ang tawag sa proseso ng pagpapalitan ng impormasyon, ideya, o mensahe sa pagitan ng dalawa o higit pang tao?

Komunikasyon

Anong uri ng ugnayan ang tumutukoy sa pakikipag-ugnayan ng isang tao sa ibang tao?

Interpersonal

Anong antas ng komunikasyon ang tumutukoy sa pakikipag-ugnayan sa sarili, kabilang ang pagninilay at pag-unawa sa sariling damdamin?

Intrapersonal

Ano ang tinutukoy ng antas ng wika sa komunikasyon?

Pormalidad at uri ng mga salitang ginagamit natin.

Ano ang katangian ng komunikasyong intrapersonal na nagaganap sa loob ng isipan at hindi nangangailangan ng ibang tagapakinig?

Pansarili

Ano ang paraan ng komunikasyong intrapersonal na tumutukoy sa panloob na diyalogo gaya ng pagsasabi ng "kaya ko ito!"?

Pag-uusap sa sarili (Self-Talk)

Ano ang tawag sa proseso ng malalim na pag-iisip at pagsusuri sa sariling karanasan, damdamin, at pag-uugali?

Pagninilay o Pagmumuni-muni (Self-Reflection)

Ano ang tawag sa kabuuang pagtingin at pagpapahalaga ng isang tao sa kanyang sarili?

Pagpapahalaga sa Sarili (Self-Esteem)

Ano ang layunin ng komunikasyong interpersonal?

Magbahagi ng impormasyon, saloobin, at karanasan upang makabuo ng ugnayan o relasyong sosyal.

Sa anong mga paraan o channel maaaring maganap ang komunikasyong interpersonal?

Verbal (salita) o nonverbal (kumpas, ekspresyon, tono), at maaaring harapan, sa telepono, o social media.

Sino ang sikolistang nagpakilala ng Multiple Intelligences kung saan nakapaloob ang konseptong "Personal" (Intrapersonal at Interpersonal)?

Howard Gardner

Sa komunikasyong personal, ano ang tinutukoy na kabuuan ng iyong sariling pagkatao?

Values (pinahahalagahan), ugali, talento, at mga bagay na ikaw lang ang nakakaalam.

Ano ang pangunahing pagkakaiba ng komunikasyong personal at interpersonal sa aspeto ng kalahok?

Sa personal ay sarili lamang ang kalahok, samantalang sa interpersonal ay dalawa o higit pang tao.

Anong uri ng komunikasyon ang nagaganap kapag ang isang tao ay nagsasalita sa harap ng mas malaking pangkat ng tao (hal. talumpati)?

Komunikasyong pampubliko

Ano ang katangian ng feedback sa komunikasyong pampubliko?

Limitado ang feedback (halimbawa ay palakpakan o mga tanong).

Anong antas ng komunikasyon ang gumagamit ng midya upang maiparating ang mensahe sa napakaraming tao na hindi direktang nakikita?

Komunikasyong Pangmasa

Magbigay ng mga halimbawa ng komunikasyong pangmasa.

Panonood ng balita sa telebisyon, pakikinig sa radyo, at pagbabasa ng pahayagan.

Anong uri ng komunikasyon ang nangyayari sa loob ng isang institusyon o kumpanya?

Komunikasyong Pang-organisasyon

Magbigay ng halimbawa ng komunikasyong pang-organisasyon.

Pagpupulong ng mga opisyal ng Student Council o mga memorandum mula sa principal.