Rondom My

[RONDOM MY] Watter stylfiguur kom voor wanneer versreëls 1–2 later weer in versreëls 7–8 herhaal word: "Ek wil my tyd vat hierdie keer / ek moet my tyd vat hierdie keer"? Verduidelik kortliks die belangrikheid daarvan in Rondom my.

Herhaling (refrein). Dit beklemtoon die spreker se behoefte aan geduld en rustigheid, en skep ritme soos in 'n liedjie.

[RONDOM MY] Watter stylfiguur word in versreël 4 gebruik: "het my al veels te veel keer"? Verduidelik kortliks die belangrikheid daarvan.

Alliterasie (herhaling van die "v"-klank in "veels" en "veel"). Dit beklemtoon dat die haastigheid hom al baie kere in die verlede benadeel het.

[RONDOM MY] Watter stylfiguur/tegniek kom voor in versreëls 5–6: "ondergekry / my ondergekry."? Verduidelik kortliks die belangrikheid daarvan.

Alleenplasing (van "ondergekry" op sy eie reël) plus herhaling. Dit beklemtoon sy gevoel van moedeloosheid en hulpeloosheid.

[RONDOM MY] Watter stylfiguur (beeldspraak) word in versreël 9 gebruik: "Ek sien die blou in jou deur die bietjie in jou oë"? Verduidelik kortliks die belangrikheid daarvan.

Metafoor. "Blou" word nie letterlik (denotatief) vir blou oë gebruik nie, maar konnotatief vir hartseer/verdriet (soos in "blues"-musiek). Dit dui aan dat sy ook seer dra van 'n vorige verhouding.

[RONDOM MY] Watter stylfiguur kom voor in versreëls 12–13: "Kom wys my wie jy is en wie jy graag wil wees. / Kom wees net jy, kom wees net jy."? Verduidelik kortliks die belangrikheid daarvan.

Herhaling. Dit beklemtoon dat sy nie hoef voor te gee of te verander nie — sy mag net haarself wees.

[RONDOM MY] Watter stylfiguur word in versreël 14 gebruik, gelees teenoor versreëls 1 en 2: "As jy wil tyd vat hierdie keer"? Verduidelik kortliks die belangrikheid daarvan.

Herhaling van die refrein, maar met 'n verandering van voornaamwoord ("ek" word "jy"). Dit dui aan dat die besluit nou by haar lê.

[RONDOM MY] Watter stylfiguur kom voor in versreëls 17–18: "kom wees hier rondom my / kom wees hier rondom my"? Verduidelik kortliks die belangrikheid daarvan.

Herhaling. Dit beklemtoon dat hy haar naby/rondom hom wil hê.

[RONDOM MY] Watter stylfiguur/tekentaal kom voor aan die einde van versreël 19: "net as jy wil …"? Verduidelik kortliks die betekenis daarvan.

Ellips. Die sin/gedagte word nie voltooi nie — dit dui aan dat sy self oor die besluit moet gaan dink, sonder dat hy haar dwing.

[RONDOM MY] Watter stylfiguur kom in strofe 2 voor in versreël 12: "Kom wys my wie jy is en wie jy graag wil wees"?

Alliterasie (herhaling van die "w"-klank in "wys, wie, wie, wil, wees").

[RONDOM MY] Is die gedig geskryf in vrye vers of vaste versvorm?

Vrye vers.

[RONDOM MY] Uit hoeveel strofes bestaan die gedig, en hoe begin/eindig elke strofe tipografies?

Drie strofes; elke strofe begin met 'n hoofletter en eindig met 'n punt.

[RONDOM MY] Watter tegniek word gebruik om die reëls in mekaar te laat oorloop, en waarom (met die oog op die feit dat dit 'n lied is)?

Enjambement — dit skep 'n ritmiese vloei, wat pas by die feit dat die gedig 'n liriek/lied is.

[RONDOM MY] Watter opvallende bou-kenmerk (herhalende gedeelte) verskyn deur die hele gedig, tipies van 'n lied?

'n Refrein — herhaalde woorde/woordgroepe/versreëls wat eerste in die gedig verskyn en later weer herhaal word.

[RONDOM MY] Wat is die tema van die gedig?

Liefde vra geduld, vertroue en egtheid; 'n verhouding groei stadig wanneer albei mense hulself kan wees.

[RONDOM MY] Hoe ontwikkel/progresseer die tema van strofe 1 na strofe 3?

Strofe 1: die spreker besef sy eie haastigheid het hom vroeër benadeel en besluit om dit stadig te vat. Strofe 2: hy sien en aanvaar dat sy geliefde ook seer/twyfel dra, en nooi haar om haarself te wees. Strofe 3: hy nooi haar uit en laat die keuse aan haar oor.

[RONDOM MY] Is die tema van die gedig universeel? Verduidelik.

Ja — feitlik almal het al verlief geraak of wou 'n geliefde naby aan hulle hê; die behoefte aan geduld en egtheid in liefde is 'n algemeen-menslike ervaring.

[RONDOM MY] Watter rymskema het die gedig?

Geen vaste rymskema nie — die gedig maak gebruik van gebroke rym en is in vrye vers geskryf.

[RONDOM MY] Waarvoor (watter effek) word die herhaling van versreëls in die refrein gebruik?

Om ritme te skep (soos in 'n liedjie).

[RONDOM MY] Wat is die algehele stemming/toon van die gedig?

Romanties, hoopvol, opreg en intiem — dit is 'n liefdeslied.

[RONDOM MY] Watter effek het die gebruik van voornaamwoorde (ek/jy/jou) op die stemming/toon van die gedig?

Dit maak die gedig meer persoonlik en intiem.

[RONDOM MY] Verduidelik die woorde van die titel in jou eie woorde.

Die ek-spreker vra dat sy geliefde naby/rondom hom moet bly/wees.

[RONDOM MY] Wat is die naam van die musiekgroep waarvan Dawie de Jager lid is?

Klopjag.

[RONDOM MY] Watter genre/tipe teks is dit?

'n Liriek/liefdeslied.

[RONDOM MY] Noem drie kenmerke van 'n liriek.

Dit druk sterk persoonlike gevoel uit; dit het 'n refrein (herhaling van woorde/reëls); dit word dikwels vanuit 'n ek-perspektief geskryf/gesing.

[RONDOM MY] Watter soort spreker het ons in die gedig?

'n Ek-spreker (eerstepersoonspreker) wat sy gevoelens direk met sy geliefde deel.

[RONDOM MY] Wat is die funksie van hierdie soort spreker?

Dit maak die gedig persoonlik/intiem, asof die spreker regstreeks met die geliefde praat.

[RONDOM MY] Watter een woord in strofe 1 wys dat die spreker homself nie 'n keuse gun nie (om dit rustig te vat)?

"Moet" (reël 2).

[RONDOM MY] Waarom het die spreker se vorige verhoudings nie uitgewerk nie?

Weens sy eie haastigheid.

[RONDOM MY] Wat stel "die blou in jou" (reël 9) voor? Noem twee moontlike interpretasies.

(1) 'n Metafoor vir haar hartseer/verdriet uit 'n vorige verhouding; (2) 'n konnotatiewe verwysing na "blues"-hartseer, teenoor 'n denotatiewe (letterlike) lesing van blou oë.

[RONDOM MY] Word die woord "blou" (reël 9) denotatief of konnotatief gebruik?

Konnotatief.

[RONDOM MY] Noem 'n verskil tussen strofe 1 en strofe 2 in terme van wie aangespreek word.

In strofe 1 praat die spreker oor homself ("ek"); in strofe 2 praat hy tot/oor sy geliefde ("jou").

[RONDOM MY] Watter drie opeenvolgende woorde in strofe 3 dui aan dat die spreker sy geliefde nie sal dwing om iets te doen nie?

"As jy wil" (reël 14) — dit laat die keuse aan haar oor.

[RONDOM MY] Haal die versreël in strofe 3 aan wat sê dat hy haar naby hom wil hê terwyl hy haar beter leer ken.

"kom vat 'n rukkie hier by my" (reël 15).

[RONDOM MY] Hoe sal dit vir die spreker moontlik wees om sy geliefde beter te leer ken?

Deur tyd saam met haar deur te bring/haar rondom hom te hê.

[RONDOM MY] Hoekom is dit belangrik dat 'n mens jouself in 'n verhouding moet wees? Verduidelik jou antwoord.

Sodat die verhouding op egtheid en vertroue gebou word, en nie op voorgee nie — as jy moet verander, gaan dit nie werk nie.

[RONDOM MY] Hoe het die spreker agtergekom dat sy geliefde ook al seergekry het?

Hy sien die "blou" (hartseer) deur die "bietjie" in haar oë.

[RONDOM MY] Wat, dink jy, was die rede hoekom sy geliefde haar tyd met hierdie verhouding wil vat?

Sy het waarskynlik ook in 'n vorige verhouding seergekry en is versigtig/onseker.