Bahagi ng Pananalita: Pangngalan

Isang listahan ng mga terminolohiya at kahulugan tungkol sa Pangngalan batay sa lecture notes.

Bahagi ng Pananalita

Ang kategorya kung saan nabibilang ang mga salita tulad ng pangngalan, panghalip, pandiwa, at iba pa.

Pangngalan

Bahagi ng pananalita na nagsasaad ng ngalan ng tao, bagay, pook o lugar, hayop, pangyayari, damdamin, kaisipan o ideya.

Pantangi

Uri ng pangngalan na nagsasaad ng tanging pangalan ng tao, hayop at bagay at isinusulat sa malaking titik ang unang letra.

Pambalana

Uri ng pangngalan na tawag sa karaniwang pangalan.

Payak

Kayarian ng pangngalan na binubuo ng mga salitang likas at katutubong atin na maaaring mapag-isa.

Maylapi

Kayarian ng pangngalan kung saan ang salitang-ugat ay nagtataglay ng panlapi sa unahan, gitna o hulihan man.

Inuulit

Kayarian ng pangngalan kung saan inuulit ang salitang ugat o ang salitang maylapi.

Pag-uulit na Parsyal

Isang klase ng mga pangngalang inuulit kung saan bahagi lang ng salitang-ugat ang inuulit.

Pag-uulit na Ganap

Isang klase ng mga pangngalang inuulit kung saan inuulit ang buong salita.

Tambalan

Kayarian ng pangngalan na binubuo ng dalawang magkaibang salita na ipinapalagay na isa na lamang.

Pambabae

Kasarian ng pangngalan na tumutukoy sa babae, gaya ng ate, nanay, at Gng. Cruz.

Panlalaki

Kasarian ng pangngalan na tumutukoy sa lalaki, gaya ng kuya, tatay, at G. Santos.

Di-tiyak

Kasarian ng pangngalan na maaaring tumukoy sa babae o lalaki, gaya ng doktor, titser, at huwes.

Walang kasarian

Kasarian ng pangngalan para sa mga bagay na walang buhay tulad ng silya, lobo, at puno.

Basal

Uri ng pangngalan na hindi nakikita o nahahawakan ngunit nadarama, nasa gawi at kaisipan.

Tahas

Uri ng pangngalan na nakikita o nahahawakan, katulad ng pula at ulap.

Lansak

Uri ng pangngalan na nagsasaad ng pagsasama-sama, kumpol, grupo o pangkat.

Tsina, Judy Ann, monggol

Mga halimbawa ng pangngalang pantangi.

Bansa, artista, lapis

Mga halimbawa ng pangngalang pambalana.

Lilo, lila, lambat, silo, ilog

Mga halimbawa ng pangngalang payak.

Kagandahan at palaisdaan

Mga halimbawa ng pangngalang maylapi.

Sabi-sabi at sari-sari

Mga halimbawa ng pag-uulit na ganap.

Ari-arian at tau-tauhan

Mga halimbawa ng pag-uulit na parsyal.

Gamugamo at guniguni

Mga salitang inuulit ang anyo ngunit itinuturing na mga salitang ugat dahil walang katuturan ang mga pantig kapag napag-isa.

Hampaslupa at kapit-tuko

Mga halimbawa ng pangngalang tambalan.

Punong-guro

Isang halimbawa ng pangngalan na may kasariang di-tiyak.

Katalinuhan at pagdurusa

Mga halimbawa ng pangngalang basal.

Kawan, buwig, at batalyon

Mga halimbawa ng pangngalang lansak.

Tatay-tatayan at biru-biruan

Mga halimbawa ng pangngalang inuulit.

Panuntunan sa Inuulit

Ang unang dalawang pantig lamang ang inuulit kapag ang pangngalan ay may tatlo o higit pang pantig.