Bazat e marketingut - Kapitulli 1

Këto fisha mbulojnë konceptet kryesore të kapitullit të parë të marketingut, duke u fokusuar në krijimin e vlerës për klientin, proceset e marketingut dhe llojet e marrëdhënieve me klientët.

Marketingu

Një proces nëpërmjet të cilit kompanitë krijojnë vlerë për klientët dhe ndërtojnë marrëdhënie të forta me ta dhe, me qëllim që, më pas, të përfitojnë vlerë prej tyre.

Nevojat

Gjendje në të cilat njerëzit ndiejnë se u mungon diçka.

Dëshirat

Forma që marrin nevojat njerëzore kur ndikohen nga kultura dhe personaliteti i individit.

Kërkesat

Dëshirat e njerëzve që mbështeten nga fuqia blerëse.

Ofertat e tregut

Një ndërthurje e produkteve, e shërbimeve, e informacionit apo e përvojave që ofrohen në një treg të caktuar për të plotësuar një nevojë apo dëshirë të caktuar.

Miopi e marketingut

Gabimi që bëhet kur kompanitë u kushtojnë më shumë rëndësi produkteve të caktuara që ofrojnë sesa përfitimeve dhe përvojave që gjenerohen nga këto produkte.

Shkëmbimi

Një veprim, nëpërmjet të cilit marrim një objekt që dëshirojmë nga dikush tjetër, duke ofruar diçka në këmbim.

Tregu

Bashkësia e blerësve aktualë dhe potencialë të një produkti apo shërbimi.

Menaxhimi i marketingut

Arti dhe shkenca e përzgjedhjes së tregjeve të synuara dhe krijimi i marrëdhënieve fitimprurëse me ta.

Propozimi i vlerës

Miksi i përfitimeve dhe i vlerave që kompania premton t’u japë konsumatorëve për të plotësuar nevojat e tyre.

Koncepti i shitjes

Një perspektivë ‘’nga brenda-jashtë’’ që përqendrohet tek produktet ekzistuese dhe tek ndërmarrja e një fushate të fuqishme shitjeje me qëllim shitjen e mallit të prodhuar.

Koncepti i marketingut

Një perspektivë ‘’nga jashtë-brenda’’, e cila përqendrohet te plotësimi i nevojave të klientit si mënyrë për të arritur fitimet.

Koncepti i marketingut social

Marketing që është i përgjegjshëm si nga ana sociale, ashtu edhe nga ajo mjedisore, duke ruajtur ose rritur mundësitë për brezat e ardhshëm.

Miksi i marketingut (4P)

Tërësia e mjeteve të marketingut që përdor firma: Produkti, Çmimi, Vendi (shpërndarja) dhe Promocioni.

Një program i integruar marketingu

Një plan i detajuar me qëllim që klientëve t’u komunikohet dhe jepet faktikisht vlera e premtuar.

Menaxhimi i marrëdhënieve me klientin (CRM)

Procesi i përgjithshëm i ndërtimit dhe menaxhimit të marrëdhënieve fitimprurëse me klientin duke u siguruar atyre vlerë dhe plotësimin e kërkesave.

Vlera e perceptuar e klientit

Diferenca ndërmjet të gjitha përfitimeve dhe të gjitha kostove të një oferte të tregut, në krahasim me atë të konkurrentëve.

Kënaqësia e klientit

Shkalla në të cilën rezultati i perceptuar i produktit përputhet me pritshmëritë që ka blerësi.

Marketingu i gjeneruar nga konsumatorët

Shkëmbime të markës të krijuara nga vetë konsumatorët, nëpërmjet të cilave ata luajnë rol në formësimin e përvojave të tyre dhe të konsumatorëve të tjerë.

Vlera e jetës së klientit (customer lifetime value)

Vlera e të gjithë rrjedhës së blerjeve që kryen një person gjatë gjithë kohës që ai është klient i kompanisë.

Pjesa e blerjeve të klientit (Share of Customer)

Pjesa e blerjeve të klientit që shkon për produktet e kompanisë.

Kapitali i klientëve

Vlera totale e të gjitha vlerave totale të blerjeve nga çdo klient i kompanisë.

Interneti i gjërave

Një mjedis mbarëbotëror, ku çdo gjë dhe çdokush është i lidhur në mënyrë digjitale me gjithçka dhe këdo tjetër.