Akdang Panitikan

Prosa o Tuluyan

Ito ay naglalaman ng mga pangungusap at mga talata. Sa anyong prosa, ang daloy ng pagkakasulat ng mga ideya ay natural at tuloy-tuloy. Wala itong sinusunod na bilang ng bigkas at walang sinusunod na tugmaan sa dulo ng mga salita.

Maikling Kuwento

Ito ay maikling akda na naglalaman ng kakaunting tauhan kumpara sa nobela. Ito ay may iisa lamang na banghay. Ang pagbasa nito ay kayang tapusin ng isang upuan lamang.

Nobela

Ito ay isang mahabang salaysay na nahahati sa mga kabanata. Ang pagbabasa nito ay inaabot ng ilang basahan para matapos ang buong istorya. Ito ay naglalaman ng madaming tauhan at maaaring maganap ang mga pangyayari sa iba’t ibang tagpuan. Ang nobela ay maaaring maging piksyon at di piksyon.

Dula

Ito ay akdang itinatanghal sa tanghalan. Nahahati ito sa ilang yugto at tagpo. Tinatawag na mandudula o dramaturgo ang mga dalubhasa na sumusulat ng iskrip ng dula.

Alamat

Ito ay kuwento tungkol sa pinagmulan ng mga bagay bagay.

Pabula

Ito ay isang uri ng panitikan na kung saan mga hayop ang gumaganap bilang tauhan. Ito ay nagbigay ng magandang aral lalo na sa mga bata.

Anekdota

Ito ay isang maikling akda na naglalaman ng nakawiwiling pangyayari sa buhay ng tao. Ang layunin nito ay magbigay ng aral sa mga mambabasa batay sa karanasan ng tauhan sa kuwento.

Balita

Ito ay tala ng mga kaganapan na nagaganap sa lipunan at kapaligiran.

Talambuhay

Ito ay mga sulatin na tumatalakay tungkol sa buhay ng isang tao. Tinatawag din ito sa ingles na biography.

Sanaysay

Ito ay maikling sulatin na nagpapahayag ng opinyon ng manunulat tungkol sa isang paksa.

Mitolohiya

Ito ay kuwento o salaysay hinggil sa pinagmulan ng sansinukuban, kalipunan ng iba’t ibang paniniwala sa mga diyos at diyosa, kuwento ng tao at mahiwagang nilikha.

Parabula

Isang maikling kuwentong may aral na kalimitang hinahango mula sa bibliya. Ito ay isang kuwentong naglalahad o nagpapakita ng paanong katulad ng isang bagay ang iba pang bagay.

Talumpati

Ito ay isang buod ng kaisipan o opinyon ng isang tao na pinababatid sa pamamagitan ng pagsasalita sa entablado para sa mga pangkat ng mga tao. Layunin nitong humingkayat, tumugon, mangatwiran, magbigay ng kaalaman o impormasyon at maglahad ng isang paniniwala. Ito ay binibigkas sa harap ng publiko.

Patula

Ito ay may masining na pagpapahayag. Ito ay ginagawa sa akda na anyong patula, dapat may isinaalang-alang na sukat at bilang ng bigkas at taludtod. Ito rin ay malikhaing pamamaraan sa paghahatid ng mensahe sa mga mambabasa.

Tulang Pasalaysay

Ito ay nagpapahayag ng mahalagang pangyayari sa buhay ng tao. Ito ay maaaring makatotohanan o kathang-isip lamang.

Epiko

Ito ay tumutukoy sa kuwento ng kabayanihan. Nagpapakita rin ito ng ugnayan ng tao at diyos.

Balad

Ito ang tulang pasalaysay na pinakamaikli at pinakasimple. Ito ay tulang pasalaysay na karaniwang inaawit.

Tulang Liriko

Ito ay uri ng tula na ginawa upang awitin at ito ay nagpapahayag ng nararamdaman at nagpapakita ng emosyon ng isang makata.

Awiting Bayan

Ito ay maikling tula na ginawa upang awitin. Ang tema nito ay karaniwang umiikot sa pagmamahal, depresyon, kalungkutan, kasiyahan, at pag-asa.

Soneto

Ito ay tula na binubuo ng labing-apat na taludtod.

Elihiya

Tulang inaalay sa isang yumaong mahal sa buhay.

Oda

Tulang nagpaparangal sa dakilang gawain ng isang tao.

Dalit

Isang kanta na nagpapakita ng pagpupuri sa Panginoon.

Awit at Korido

Ito ay nasa anyong patula at binabasa ng paawit.

Tulang Pandulaan

Ito ay uri ng tula upang itanghal.

Komedya

Isang dula kung saan ang nagsisiganap ay nagsasaad ng kasiyahan at lehitimong pagpapatawa sa bawat salitang mamumutawi sa kanyang bibig.

Melodrama

Ito ay isang dula na labis na nakakaapekto sa emosyon ng manonood. Ito ay isang pamamaraan upang mas maging kaakit-akit ang mga karakter. Inilalarawan din ang masama at mabuting aspeto ng karakter.

Trahedya

Ito ang isa pinakamatandang uri ng dula. Ang tema nito ay karaniwang tungkol sa isang dinastiya, pagbagsak ng tao, pagtataksil at pagkamatay ng bida.

Parsa

ay isang kategorya ng komedya na gumagamit ng mga nakakatawang sitwasyon na ang layon lamang ay makapagpatawa ng madla.

Prosa o tuluyan at patula

Dalawang Uri ng panitikan.