Akad Fil (quiz 2)

White paper

Isa itong papel na masusing tumatalakay sa isang suliranin at sa solusyon makatutugon dito.

Korespondensiya opisyal

Ito ay isang dokumentong naglalaman ng opisyal na impormasyon na gamit sa komunikasyon sa loob at labas ng isang kompanya, organisasyon, o institusyon.

Autobiography

Ito ay talambuhay ng isang tao na siya mismo ang sumulat.

Memoir

Ito ay isang salaysay na nakatuon sa tiyak na yugto ng buhay ng tao.

Konseptong papel

Ito ay isang papel na nagpapaliwanag ng panukalang saliksik o panukalang proyekto, lalo na kung hinihingan ito ng pagsang-ayon o ng pondo.

Mungkahing saliksik

Ito ay panukalang saliksik na karaniwang naglalaman ng panimula, mga kaugnay na pag-aaral at literatura, at metodolohiya.

Malikhain, Teknikal, Propesiyonal na Pagsulat, Dyornalistik, Reperensiyal, Akademik

Mga uri ng pagsulat:

Malikhain

Maghatid ng aliw, makapukaw ng damdamin, at makaantig sa imahinasiyon at isipan ng mga mambabasa. Bunga ng malikot na isipan ng mga sumusulat. Maaaring batay sa tunay na pangyayari o bunga ng imahinasyon o kathang isip.

Teknikal

Layuning pag-aralan ang isang proyekto o bumuo ng isang pag-aral na kailangan para lutasin ang isang problema o suliranin. Inaasahang maunawaan ng mga mambabasa na may kinalaman sa tyak na disiplina o larangan.

Propesiyonal na pagsulat

May kinalaman sa mga sulating may isang tiyak na larangan natututuhan sa akademya o paaralan. Binibigyang pansin ang paggawa ng mga sulatin o pag-aaral tungkol sa napiling propesyon o bokasyon ng isang guro.

Dyornalistik

May kinalaman sa sulating may kaugnayan sa pamamahayag. Kailangang mangalap ng totoo, obhetibo at makabuluhang balita o isyu.

Reperensiyal

Layuning bigyan ng pagkilala ang mga pinagkunang kaalaman o impormasyon sa paggawa ng konseptong papel, tesis, at disertasiyon. Layuning irekomenda sa iba ang sangguniang maaring mapagkunan ng mayamang kaalaman hinggil sa isang tiyak na paksa.

Akademik

Isang intelektuwal na pagsulat. Gawaing nakatutulong sa pagpapataas ng kaalaman ng isang indibidwal sa iba’t ibang larangan. Lubos ding pinapataas ng uri ng pagsulat nito ang kaalaman ng mga mag-aaral sa iba’t ibang larangan bunga lamang ng akademikong pagsulat.

Deskripsyon ng paksa, Problema at Solusyon, Sekwensiya, Sanhi at Bunga, Pagkokompara, Aplikasyon

Mga elementong estrukture ng akademikong teksto:

Deskripsyon ng paksa

Kasama rito ang mga depinisyon, paglilinaw, at pagpapaliwanag. Karaniwan itong makikita sa panimula ng teksto.

Problema at Solusyon

Dito tinutukoy sa pamamagitan ng paksang pangungusap ang pinakatema ng teksto at ang punto at layunin ng paksa, ang gustong patunayan, ipagiitan, isangguni, ilahad, at paano ito mauunawaan. Dito umiikot ang pagtatalakay sa buong teksto at iba pa.

Sekwensiya

Maaari itong kronolohikal (panahon) o hierakikal (idea)

Sanhi at Bunga

Nagagamit ito upang pagbatayan ang mga ebidensiya at katuwiran sa teksto.

Pagkokompara

Kaugnay ito ng pagkakapareho at/o pagkakaiba ng mga datos upang pagtibayin ang katuwiran.

Aplikasyon

Iniuugnay ang paksa at mga idea sa tunay na nagaganap sa buhay.