Wet op Vaardigheidsontwikkeling

WVA

DOEL VAN DIE WET

• Ontwikkel Suid-Afrikaners se vaardighede om produktiwiteit in die werkplek te verbeter.

• Moedig besighede aan om nuwe en bestaande werkers se vaardighede te verbeter.

• Belê in die onderwys en opleiding van die Suid-Afrikaanse arbeidsmag.

• Herstel wanbalanse van die verlede doelbewus deur onderwys en opleiding.

IMPAK VAN DIE WET

POSITIEF

• Vermeerder die aantal werkers met skaars vaardighede.

• Verbeter produktiwiteit in die werkplek, omdat werknemers deur opleidingsprogramme bemagtig word en meer kundig raak.

NEGATIEF

• Die implementering van die WVO is tydrowend, duur, voorskriftelik en administrasie-intensief.

• Die heffing op vaardigheidsontwikkeling (VOH) plaas ’n bykomende finansiële las op besighede wat finansieel sukkel.

Optredes wat nie voldoen aan die WVO nie

• Verhoed werknemers se toegang tot leerlingskappe op grond van diskriminasie, soos swangerskap, ouderdom, posisie, taal, geslag, seksuele oriëntasie, kultuur of geloof.

• Vervalsing van inligting in dokumente, soos werksplekvaardigheidsplanne en belastingdokumentasie wat by die SAID ingedien word.

• Verskaf indiensnemingsdienste vir wins sonder om as ’n werkgewer of by die betrokke SOOO (SETA) geregistreer te wees.

• Verskaf verkeerde en ontoepaslike inligting oor ’n leerlingskap om werknemers doelbewus te mislei.

Strafmaatreëls/gevolge vir oortreding van die WVO

• Besighede wat nie aan die WVO voldoen nie, kan ’n nakomingsbevel van die Arbeidshof ontvang wat hulle dwing om aan die WVO te voldoen.

• Besighede kan groot boetes of gevangenisstraf kry, afhangend van die erns van die oortreding.

• Besighede wat nie die VOH betaal nie, mag nie leerlingskappe aanbied of toelaes van die WVO eis nie.

• ’n Arbeidsinspekteur mag bedrywighede onbepaald staak, of die besigheid se lisensie kan teruggetrek word indien dit aan onwettige praktyke skuldig bevind word.

Maniere waarop besighede vereistes van die WVO kan nakom

• Vertoon ’n opsomming van die WVO waar alle werknemers dit kan sien.

• Gee alle werknemers geleenthede om hul vaardighede te verbeter.

• Evalueer werknemers se vaardighede om vas te stel waar vaardigheidsontwikkeling nodig is.

• Bevorder en moedig werknemers aan om hul vaardighede te verbeter en aktief aan leerlingskappe deel te neem.

Die rol en funksie van ‘n SETA

• Registreer verskillende leerlingskappe en leerprogramme.

• Ontwikkel vaardigheidsplanne wat in lyn is met die doelwitte van die Nasionale Vaardigheidsontwikkelingstrategie (NVOS).

• Ontwikkel vaardigheidsontwikkelingsplanne vir verskillende ekonomiese sektore.

• Bevorder leerlingskappe en leerprogramme deur geskikte werkplekke vir praktiese werksondervinding te identifiseer.

Befondsing van SETAs

• Vaardigheidsontwikkelingsheffings (VOHs) word deur werkgewers aan die SAID betaal, wat dit namens die regering invorder.

• Die SETAs ontvang 80% van die heffing vir organisatoriese uitgawes, en 20% gaan aan die Nasionale Vaardigheidsfonds.

• Skenkings en toelaes word van die publiek, besighede en KMI-programme ontvang.

• Fondse word ontvang uit die lewering van hul dienste.

Nasionale vaardigheidsontwikkelingstrategie

• Verhoog toegang tot opleidingsprogramme.

• Spreek die tekort aan taal- en wiskundige vaardighede onder die jeug en volwassenes aan.

• Verbeter die gebruik van werkplekgebaseerde vaardigheidsontwikkeling.

• Verbeter die vaardighede van die openbare sektor om dienslewering te verbeter.

Menslike hulpbron ontwikkelingstrategie

• Verbeter die verskaffing van vaardighede wat die land direk bevoordeel.

• Bevorder maatskaplike ontwikkeling/sosiale geregtigheid en help om armoede te verminder.

• Spreek vaardigheidstekorte in die Suid-Afrikaanse werkplek aan.

• Bevorder vinniger ekonomiese groei en hoër indiensnemingsvlakke, en verlaag armoede in Suid-Afrika.