Nomenklatuur van Organiese Verbindings - Terme en Definisies

Woordeskat-flitskaarte vir Fisiese Wetenskappe V2 (Chemie) Graad 12 oor die nomenklatuur, definisies en algemene formules van organiese verbindings.

Alkohol

'n Organiese verbinding waarin H-atome in alkane vervang is met hidroksielgroepe (-OH-groepe). Algemene formule: $C_nH_{2n+1}OH$

Aldehied

'n Organiese verbinding wat die algemene struktuur RCHO het waar R = H of alkiel. Algemene formule: RCHO (R = alkielgroep)

Alkaan

'n Organiese verbinding wat slegs C-H en C-C-enkelbindings bevat. Algemene formule: $C_nH_{2n+2}$

Alkeen

'n Organiese verbinding van koolstof en waterstof wat 'n koolstof-koolstofdubbelbinding bevat. Algemene formule: $C_nH_{2n}$

Alkielgroep

'n Groep wat vorm wanneer een H-atoom uit 'n alkaan verwyder word.

Alkyn

'n Organiese verbinding van koolstof en waterstof wat 'n koolstof-koolstoftrippelbinding bevat. Algemene formule: $C_nH_{2n-2}$

Funksionele groep

'n Binding of 'n atoom of 'n groep atome wat die fisiese en chemiese eienskappe van 'n groep organiese verbindings bepaal.

Funksionele isomere

Verbindings met dieselfde molekulêre formule, maar verskillende funksionele groepe.

Gekondenseerde struktuurformule

'n Formule wat die manier wys hoe atome in 'n molekuul gebind is, maar TOON NIE ALLE bindingslyne nie.

Haloalkane (Alkielhaliede)

'n Organiese verbinding waarin een of meer H-atome in 'n alkaan met halogeenatome vervang is. Algemene formule: $C_nH_{2n+1}X$ (X = F, Cl, Br of I)

Homoloë reeks

'n Reeks organiese verbindings wat deur dieselfde algemene formule beskryf kan word en wat dieselfde funksionele groep het; OF 'n Reeks organiese verbindings waarin die een lid van die volgende verskil met 'n $CH_2$-groep.

IUPAC-benaming

'n Chemiese nomenklatuur (stel reëls) ontwikkel deur die Internasionale Vereniging van Suiwer en Toegepaste Chemie (IUPAC) om sistematiese name te genereer vir chemiese verbindings.

Karbonielgroep

Funksionele groep van ketone (>C=O).

Karboksielgroep

Funksionele groep van karboksielsure (-COOH).

Karboksielsuur

'n Organiese verbinding wat 'n karboksielgroep bevat (-COOH-groep). Algemene formule: $C_nH_{2n+1}COOH$ (of RCOOH)

Kettingisomere

Verbindings met dieselfde molekulêre formule, maar verskillende tipes kettings.

Koolwaterstof

Organiese verbindings wat slegs uit waterstof en koolstof bestaan.

Molekulêre formule

'n Chemiese formule wat die soort atome en die aantal van elk in elke molekuul aandui, bv. $CH_4$.

Onversadigde verbindings

Verbindings waarin een of meer meervoudige bindings voorkom tussen C-atome in hul koolwaterstofkettings.

Organiese chemie

Chemie van koolstofverbindings.

Posisie-isomere

Verbindings met dieselfde molekulêre formule, maar verskillende posisies van die syketting, substituente of funksionele groepe op die stamketting.

Primêre alkohol

Die C-atoom wat aan die hidroksielgroep gebind is, is aan EEN ander C-atoom gebind.

Primêre haloalkaan

Die C-atoom wat aan die halogeen gebind is, is aan EEN ander C-atoom gebind.