Letërsi Antike Greke dhe Romake: Poema Epike dhe Çështja Homerike

Fjalor me konceptet, datat dhe termat kryesorë mbi poezinë epike, figurën e Homerit dhe poemat e tij nga letërsia antike greko-romake.

Iliada dhe Odiseja

Dy poemat e mëdha epike që përbëjnë tekstet dhe kryeveprat e para të letërsisë europiane, ku u kristalizua mitologjia antike helene dhe mbarëmesdhetare.

Aedët dhe rapsodët

Poetë popullorë që këndonin dhe recitonin nëpër sheshe, oborre e qytete këngë epike gojore të kushtuara hyjnive dhe heronjve, të shoqëruara me instrumente muzikore.

Cikli Trojan

Koleksioni i këngëve dhe rapsodive që ka shërbyer si bazë dhe themel për hartimin e poemave homerike.

Çështja homerike

Dyshimet dhe pikëpyetjet e nisura në shek. III p.K. lidhur me ekzistencën historike të Homerit, autorësinë e vërtetë të Iliadës dhe Odisesë, dhe vendlindjen e tij mes shtatë qyteteve greke.

Periudha e krijimit të poemave homerike

Fundi i shek. IX apo fillimi i shek. VIII p.K., me Odisenë të krijuar disa dekada pas Iliadës.

Datimi i Luftës së Trojës

Ngjarje historike që ka ndodhur rreth vitit 1200 p.K., rreth tre shekuj përpara se t'i kushtoheshin poemat homerike.

Fiksimi me shkrim në Athinë

Procesi i shekullit VI p.K. ku motërzimet e ndryshme të këngëve të poemave u sistemuan dhe u hodhën për herë të parë me shkrim.

Ndarja në 24 këngë

Forma përfundimtare që dijetarët u dhanë poemave homerike tre shekuj pas fiksimit me shkrim, duke hequr vargjet abuzive të kopjuesve dhe duke e ndarë secilën poemë në 24 këngë.