Metodat e Ndarjes së Përzierjeve

Kartela fjalori për termat dhe metodat kryesore fizike të ndarjes së përzierjeve.

Ndarja me magnet

Metodë e ndarjes së substancave të cilat kanë veti magnetike nga substancat e tjera të cilat nuk i tërheq magneti (p.sh. hekur-rërë, hekur-sulfur, hekur-alumin).

Dekantimi

Metodë që e ndanë substancën e ngurtë të patretshme prej lëngut, e cila bazohet në peshën specifike të grimcave të ngurta që nën ndikimin e gravitetit fundërrojnë në fundin e enës.

Filtrimi

Metodë e ndarjes së substancës (komponentës) së ngurtë të patretshme prej lëngut duke u bazuar në madhësinë e grimcave të tyre.

Precipitati (fundërrina)

Substanca e ngurtë e patretshme e cila mbetet mbi letrën filtruese gjatë filtrimit.

Filtrati

Lëngu që kalon nëpër poret e letrës filtruese gjatë procesit të filtrimit.

Distilimi i thjeshtë

Metodë e ndarjes së një lëngu nga përzierja që bazohet në avullimin e lëngut me ngrohje dhe në kondensimin (lëngëzimin) e avujve.

Distilati

Lëngu i ndarë që përfitohet me anë të procesit të distilimit.

Distilimi fraksional

Metodë për ndarjen e përzierjeve që përmban dy ose më shumë lëngje me dallim të vogël në pikat e vlimit, e cila bazohet në ndryshimin e pikave të tyre të vlimit.

Kolona fraksionuese

Pjesë e montuar në mes të balonës dhe kondensatorit në aparaturën e distilimit fraksional, e cila mundëson ndarjen më efikase të lëngjeve mes vete.