Untitled Flashcards Set

KABIHASNANG MINOAN AT MYCENAEAN

Ø Tinawag na kabihasnang Minoan ang unang kabihasnang nabuo sa Crete. Hinango ang pangalan nito sa hari ng pulo na si Minos.

Ø Kabisera ng Crete- Knossos

Ø Ang Linear A ay ang paraan ng pagsulat ng mga Minoan, samantala ang Linear B ay ang ginamit ng mga Mycenaean.

Ø Ang Mycenae ay itinuturing na unang estadong Griyego.

Ø Pinakamalaki sa mga lungsod ay ang Mycenae na pinamunuan ni Haring Agamemnon.

Ø Samantala, ang Troy ay isang makapangyarihang siyudad sa Turkiya malapit sa Hellespont.

KLASIKO AT HELENISTIKONG GRESYA

Ø Ang mga lungsod-estado o polis ay mga unang pamayanan sa Gresya na binubuo ng mga malalayang mamamayan na nasa sapat na edad na upang mapabilang sa pulitikal at kultural na buhay ng komunidad.

Ø ACROPOLIS- ang pinakamataas na lugar sa lungsod-estado kung saan itinayo ng mga Greek ang kanilang mga templo at ito ang sentro ng bawat polis kung saan nagtitipon-tipon ang mga tao upang talakayin ang politika at relihiyon.

Ø Ang apat na yugto ng pagbabago ng pamahalaan sa mga lungsod-estado ng Gresya ay ang sumusunod:

• Yugto ng monarkiya o pamumuno ng hari

• Yugto ng oligarkiya o pamumuno ng mga aristokrata

• Yugto ng tyranny o pamumuno ng isang tao na kumuha sa kapangyarihan ng pamamahala gamit ng pwersa

• Yugto ng demokrasya o pamumuno ng mga tao

Ø Ang Athens ay matatagpuan sa Attica sa timog-silangang bahagi ng Gresya. Ito ang pinakamalaki at pinakamakapangyarihan sa mga lungsod-estado.

Ø Mula sa murang edad na pito, ang mga batang lalaki ay kinukuha mula sa kanilang mga nanay at pinatitira sa kampo.

Ø Pagsapit ng edad na 20, ang mga lalaki ay pumapasok sa hukbo.

Ø Naghintay ang mga Athenian sa mga Persian, at ang unang pangunahing labanan, ang Labanan sa Marathon, ay nagtapos sa pagkapanalo ng Athens.

Ø Sinubukan ng mga Griyego, sa ilalim ng mga Spartan, na pigilan ang mga Persian sa Labanan ng Thermopylae, ngunit naubos ang mga sundalong Spartan na lumaban hanggang sa huli nilang hininga.

Ø Itinuloy ng mga Athenian ang labanan sa pamamagitan ng kanilang malakas na hukbong dagat sa Labanan sa Salamis, kung saan natalo nila ang mas malaking hukbong dagat ng mga Persian.

Ø Isang taon pagkatapos ng pagkatalo ng mga Persian sa Salamis, tinalo ng mga Spartan nang tuluyan ang mga Persian sa Labanan sa Plataea.

Ø Tumagal ang digmaang Peloponnesian ng 27 na taon, at nagdulot ng paghina ng Sparta at Athens.

IMPERYONG ROMANO

Ø Ang Roma ay matatagpuan sa kapatagan ng Latium sa gitnang-kanlurang bahagi ng Italya, isang tangway na hugis-bota sa gitna ng Dagat Mediterraneo.

Ø Ang pamayanan ng Roma ay umusbong malapit sa Ilog Tiber, at ang lupain sa rehiyong ito ay kaaya-aya para sa pagsasaka.

Ø Ang nagtatag ng Roma ay ang kambal na sina Romulus at Remus, mga anak ni Rhea Silvia at ni Mars, ang diyos ng digmaan.

Ø Dahil sa isang pagtatalo, pinatay ni Romulus si Remus, at siya ang naging unang hari ng Roma.

Ø Humanap si Romulus ng mga taong nais manirahan sa kaniyang pamayanan, ngunit ang karamihan ng sumama sa kaniya ay kalalakihan. Kaya naman, ninakaw niya ang kababaihang Sabine upang dumami ang populasyon ng Roma.

Ø Ang senado ay binubuo ng mga patrician o mayayaman at mahahalagang tao sa lipunan. Samantala, ang nakararaming mamamayan ay mga plebeian, mga pangkaraniwang tao tulad ng magsasaka, manggagawa, at mangangalakal.

Ø Ayon sa mga tala, monarkiya ang uri ng pamahalaan na gumabay sa Roma. Ang monarkiya ng Roma ay nagtagal nang mahigit 200 taon at pinamunuan ng anim na hari (hindi kasama si Romulus na bunga lamang ng isang alamat o mito).

Ø Tarquinius Superbus

Huling hari ng Roma na kilala dahil sa kaniyang kalupitan

Ø Ang tatlong huling hari ng Roma ay mga Etruscan.

Ø Dahil sa kalupitan ni Tarquinius Superbus, pinatalsik siya ng mga Romano. Matapos ito ay nagtayo sila ng bagong sistema ng pamamahala—ang republika.

Ø Ang lipunan ng Republikang Romano ay binubuo ng dalawang grupo: ang mga patrician o mayayaman na nagmula sa mga pamilya ng mga senador noong panahon ng monarkiya, at ang plebeian o mga malaya at karaniwang mamamayan.

Ø Ang dalawang populares na nais magsagawa ng reporma ay ang magkapatid na sina Tiberius at Gaius.

Ø Sina Julius Caesar, Marcus Licinius Crassus, at Gnaeus Pompey ang bumuo ng Unang Triumvirate.

Ø Bilang isang diktador, binigyan ni Caesar ng pagkamamamayan o citizenship ang ilang tao sa ilang probinsya sa Italya.

Ø Dahil nakita ni Caesar na kinakailangan ng malakas na pamumuno upang matapos na ang labanang sibil sa Roma, idineklara siyang “diktador panghabambuhay.”

Ø Pagkamatay ni Caesar, ang ampong anak ni Caesar na si Octavian, kasama ang pinagkakatiwalaang tenyente ni Julius Caesar na sina Mark Antony at Marcus Aemilius Lepidus ay bumuo ng Ikalawang Triumvirate.

Ø Pax Romana- ang yugto ng kapayapaan, pagkakaisa, at pagyabong ng literatura at sining sa Imperyong Romano.

Mga Sundalo:

Ø Centurion- ang pinakamataas na ranggo ng isang sundalo sa legion na karaniwang nagsusuot ng isang galea o isang helmet na bakal na may panakip sa ulo at nagpapakita ng ranggo nito sa loob ng isang legion.

Ø Manunudla (Archer)- miyembro ng isang pangkat na nanunudla o tumitira ng mga tunod (arrow) upang mapigilan ang paglusob ng mga mansisibat.

Ø Mansisibat (Spearmen)- miyembro ng isang pangkat na unang lumulusob upang sirain ang depensa ng mga kalaban gamit ang sibat.

Ø Mga Mangangabayo (Horsemen)- miyembro ng isang pangkat ng mga nangangabayo na mabilis na dumedepensa sa hukbo o umaatake sa kalabang hukbo.

Ø Sinubukang itigil ng mga emperador na sina Diocletian at Constantine ang pagbagsak ng Roma.

Ø Upang matiyak na walang mang-aagaw ng kapangyarihan sa ibang bahagi ng imperyo, hinati ni Diocletian ang buong teritoryong Romano sa dalawa—ang silangan at kanluran. Si Diocletian ang namuno sa silangan, at inilagay niya ang matapat niyang heneral na si Maximilian bilang emperador ng kanluran. Sinubukan naman ni Constantine na pagkaisahin ang imperyo. Nagpatayo rin siya ng bagong kabisera sa Byzantium na tinawag niyang Constantinople bilang simbolo ng bagong Roma.

Ø Pagkamatay ni Constantine, nahati muli ang imperyo.

MGA KRUSADA

KRUSADA- Ito ay isang kilusan na inilunsad ng simbahang Kristiyano upang mabawi ang “Banal na Lupa” (Holy Land) o Jerusalem. Ito ay sunod-sunod na digmaang militar na may kaugnayan sa relihiyon.

UNANG KRUSADA- Peter the Hermitt

IKALAWANG KRUSADA- Heneral Zangi, Haring Louis VII, Haring Conrad III

IKATLONG KRUSADA- Saladin, Frederick Barbarossa, Richard I the Lionheart, Philip II Augustus

IKAAPAT NA KRUSADA- Pope Innocent III

IKALIMANG KRUSADA- Al-Malik al-Kamil

IKAANIM NA KRUSADA- Emperador Frederick II

IKAPITONG KRUSADA- Louis IX

IKAWALONG KRUSADA- Edward I

Ø Nagkaroon din ng tinatawag na Children’s Crusade noong 1212 na sinasabing binuo ng libo-libong bata na sumumpang maibalik ang Jerusalem.  

Ø Hindi nakarating sa Holy Land ang krusadang ito.  

RENASIMYENTO (RENAISSANCE)

Ø Ang Renaissance ay tumutukoy sa mga gawain, diwa, o panahon ng malaking sigla at pagpapanibago sa sining, literatura, o pag-aaral sa Europa na nagsimula noong ika-14 na dantaon at umabot hanggang ika-17 dantaon.

Ø Ang Lungsod ng Florence ang nanguna noong panahong ito.

Ø Ang Renaissance ay salitang Pranses na nangangahulugang rebirth o “muling pagsilang.”

Ø Ang itinuturing na “Ama ng Humanismo” ay si Francesco Petrarch (Francesco Petrarca sa wikang Italyano).

Ø Niccolo Machiavelli

Italyanong pilosopo, manunulat, at may-akda ng Il Principe (The Prince) na tumatalakay sa tamang paraan ng pamamahala ng isang lider sa isang estado o teritoryo

Ø Dante Alighieri

Italyanong may-akda ng mahabang tulang naratibong Divina Comedia (Divine Comedy) na sinimulan niya noong mga 1308 at natapos noong 1320.

Ø Thomas More

Sumulat ng “Utopia” na nagsaad ng pagkakaroon ng lipunang pantay-pantay at walang pag-uuri.

Ø Raphael Santi

Italyanong pintor at arkitekto na lumikha ng Lo Sposalizio (Ang Kasal ng Birhen) at lumikha ng “Sistine Madonna”

Ø Leonardo da Vinci

Italyanong pintor, imbentor, at siyentista na isa sa mga pinakatampok na likhang-sining ang La Gioconda, mas kilala sa tawag na Mona Lisa at Last Supper.

Ø Miguel de Cervantes Saavedra

Siya ang nagsulat ng nobelang “Don Quixote” na nailathala noong 1605.

Ø William Shakespeare

Ang pinakasikat niyang naisulat ay ang salaysay ng dakilang pag-ibig at tunggalian nina Julius Caesar, Mark Antony, at Cleopatra at mga nobelang pinamagatang “Hamlet,” “Othello,” “Midsummer Night’s Dream,” at iba pa.