El Filibusterismo at Pananaliksik

EL FILIBUSTERISMO

1. Q: Ano ang ibig sabihin ng "El Filibusterismo"?

A: Ang paghahari ng kasakiman.

2. Q: Sino ang Gomburza?

A: Ang pinaikling pangalan ng tatlong paring sekular na sina Mariano Gomez, Jose Burgos, at Jacinto Zamora.

3. Q: Ano ang kahulugan ng "Artilyero"?

A: Lalaking namamahala sa mga kasangkapang pandigma tulad ng baril, kanyon, at iba pang sandata.

4. Q: Kailan sinimulang isulat ni Rizal ang El Filibusterismo?

A: Oktubre 1887, sa Calamba.

5. Q: Saan nirebisa ni Rizal ang El Filibusterismo noong 1888?

A: Sa London.

6. Q: Anong sakripisyo ang ginawa ni Rizal upang maipalimbag ang El Filibusterismo?

A: Nagtipid siya sa pagkain upang magkaroon ng sapat na pera para sa pagpapalimbag.

7. Q: Sino ang tumulong kay Rizal sa pagpapalimbag ng El Filibusterismo?

A: Si Valentin Ventura.

8. Q: Kailan natapos ang pagpapalimbag ng El Filibusterismo?

A: Noong 18 Setyembre 1891.

9. Q: Ano ang mga salin ng pamagat ng El Filibusterismo sa Ingles?

A: The Filibustering, The Reign of Greed, at The Subversive.

10. Q: Ano ang kahulugan ng "Filibustero" sa Kastila?

A: Tumutukoy sa isang pirata, mangingikil, o taong sumusuporta sa isang rebolusyon.

PANANALIKSIK

11. Q: Ano ang ibig sabihin ng "Pananaliksik"?

A: Isang sistematikong paraan ng pagsisiyasat at pag-aaral ng isang paksa o isyu.

12. Q: Ano ang mga katangian ng mabuting pananaliksik?

A: Sistematik, kontrolado, empirikal, mapanuri, obhetibo, gumagamit ng estadistika, orihinal, akyureyt, matiyaga, pinagsisikapan, nangangailangan ng tapang, at maingat sa pagtatala.

MGA KATANGIAN NG MABUTING PANANALIKSIK

13. Q: Ano ang ibig sabihin ng sistematikong pananaliksik?

A: May sinusunod na proseso o hakbang sa pagtuklas ng katotohanan at solusyon.

14. Q: Ano ang kahulugan ng kontroladong pananaliksik?

A: Hindi binabago ang mga baryabol upang matiyak ang ugnayan ng sanhi at epekto.

15. Q: Ano ang ibig sabihin ng empirikal na pananaliksik?

A: Ang mga datos at pamamaraan ay kailangang katanggap-tanggap at nasusuri.

16. Q: Ano ang kahulugan ng mapanuring pananaliksik?

A: Kritikal na pagsusuri ng mga datos upang maiwasan ang maling interpretasyon.

17. Q: Ano ang ibig sabihin ng obhetibo at lohikal na pananaliksik?

A: Nakabatay sa empirical na datos at walang bias.

18. Q: Bakit kailangang gumamit ng estadistika sa pananaliksik?

A: Upang mailahad nang numerikal at masuri nang siyentipiko ang mga datos.

19. Q: Ano ang ibig sabihin ng orihinal na pananaliksik?

A: Ang mga datos ay sariling tuklas at hindi kinopya mula sa iba.

20. Q: Ano ang ibig sabihin ng akyureyt na pananaliksik?

A: Tumpak ang imbestigasyon, obserbasyon, at deskripsyon upang makabuo ng siyentipikong paglalahat.

21. Q: Ano ang ibig sabihin ng matiagang pananaliksik?

A: Hindi minamadali upang makamit ang matibay na kongklusyon.

22. Q: Bakit sinasabing pinagsisikapan ang pananaliksik?

A: Dahil nangangailangan ito ng panahon, talino, at sipag.

23. Q: Ano ang ibig sabihin ng tapang sa pananaliksik?

A: Ang kakayahang harapin ang di-pagsang-ayon ng publiko at lipunan.

24. Q: Ano ang ibig sabihin ng maingat na pagtatala sa pananaliksik?

A: Ang tamang pagdodokumento ng mga datos upang maiwasan ang pagkakamali.

MGA BAHAGI NG PANANALIKSIK

25. Q: Ano ang abstrak sa pananaliksik?

A: Isang maikling buod ng buong pananaliksik na naglalaman ng layunin, metodolohiya, at resulta.

26. Q: Ano ang layunin ng introduksyon sa pananaliksik?

A: Ipakilala ang paksa at ihanda ang mga mambabasa sa kabuuan ng pag-aaral.

27. Q: Ano ang nilalaman ng diskusyon sa pananaliksik?

A: Paglalahad ng resulta at interpretasyon ng datos.

28. Q: Ano ang layunin ng konklusyon sa pananaliksik?

A: Buod ng mahahalagang argumento at resulta ng pananaliksik.