Untitled Flashcards Set

Hersiening van die komponente van die MIKRO

OMGEWING

MIKRO OMGEWING

Is die interne besigheidsomgewing – dit sluit alles binne die besigheid in.

Alle interne sake word bestuur deur die direkteure of die eienaars van die

besigheid.

Ook bekend as die interne bedryfsisteem.

‘n Besigheid het volle beheer oor die mikro-omgewing

KOMPONENTE:

Visie, missiestelling, doelwitte en mikpunte

Organisasiestruktuur

Organisatoriese hulpbronne

Organisasiekultuur

Bestuur en leierskap

Agt besigheidsfunksies.

Hersiening van die komponente van die MARK

OMGEWING

MARK OMGEWING

is die direkte eksterne omgewing van die onderneming.

‘n Besigheid het beperkte/min beheer oor die markomgewing.

Vir die besigheid om suksesvol te wees, moet dit in staat wees om ‘n invloed uit te

oefen oor die komponente van hierdie omgewing.

KOMPONENTE:

Verbruikers/kliënte

Verskaffers

Tussengangers

Mededingers

Ander organisasies/burgerlike samelewing soos GBOs, NROs, reguleerders,

strategiese alliansies, en vakbonde.

Hersiening van die komponente van die MAKRO

OMGEWING

MAKRO

OMGEWING

is die breë eksterne omgewing van die besigheid.

‘n Besigheid het geen beheer oor die makro-omgewing nie, en moet daarom aanpas by die

uitdagings van hierdie omgewing om suksesvol te kan wees.

KOMPONENTE:

Sosiale

Politiese

Wetlike

Ekonomiese

Tegnologiese

Fisiese

Globale/internasionale omgewings.

Besigheid se beheer oor die omgewings

Beheer oor MIKRO-OMGEWING

Die besigheid het VOLLE BEHEER oor al die komponente van sy mikro-omgewing.

Die onderneming kan die interne funksionering van die besigheid beïnvloed en beheer uitoefen deur:

hul visie, missiestelling, doelwitte en mikpunte te vestig en te hersien sodat dit in lyn is met huidige

tendense.

betrokke te raak en strategiese bestuursisteme te vestig, en te verseker dat planne geïmplementeer en

hersien word wanneer nodig.

beleide, prosedures en bestuurstrukture te vestig wat die besigheid in die regte rigting sal stuur

te verseker dat die besigheid se hulpbronne effektief en doeltreffend gebruik word tot voordeel van die

besigheid

seker te maak dat alle werknemers die kultuur van die besigheid verstaan en dat alle belanghebbendes

saamwerk om die doel en waardes van die besigheid te bereik en uit te leef.

werknemers te lei, te organiseer, en om hul aktiwiteite te rig en te beheer ten einde die doelwitte en

oogmerke van die onderneming te bereik.

MIKRO

Besigheid se beheer oor die omgewings

Invloed oor die MARKOMGEWING

‘n Besigheid het BEPERKTE BEHEER oor die markomgewing, maar in sommige gevalle, is dit moontlik

om ‘n invloed uit te oefen en sommige komponente in hierdie omgewing te vorm.

Verbruikers

Entrepreneurs kan besluite van verbruikers/kliënte beïnvloed deur gebruik te maak van

bemarking strategieë wat weldeurdag, en deeglik uitgevoer is.

‘n Bemarkingstrategie is ‘n plan van aksie wat die besigheid se bemarkingsdoelwitte, asook die

strategieë en aktiwiteite wat gebruik gaan word om dit te bereik, beskryf.

Die entrepreneur kan marknavorsing doen om die behoeftes en begeertes van die doelmark te

identifiseer, en daarna strategieë beraam om goedere en dienste te voorsien wat dié

behoeftes en begeertes sal bevredig.

‘n Besigheid kan verbruikers se besluite beïnvloed deur goeie bemarkingsveldtogte soos

promosieverkope, afslagpryse, verlengde ure, oorredende advertensies, ens.

Verskaffers

Entrepreneurs kan ook die besluite en aksies van verskaffers beïnvloed deur die ondertekening

van langtermyn kontrakte vir die verskaffing van insette (grondstowwe) teen vaste pryse, of

deur die vorming van strategiese alliansies met hulle.

Besighede kan ook in grootmaat aankoop om afslag van hul verskaffers te kry, en op hierdie

manier te verseker dat hulle ten alle tye voldoende grondstowwe het.

MARK

Besigheid se beheer oor die omgewings

Invloed oor die MARKOMGEWING

Mededingers

Besighede kan strategiese alliansies vorm, aansluit by gemeenskapsgebaseerde forums, of ‘n

konsortium met ander besighede vorm om idees en hulpbronne uit te ruil en projekte te onderneem

wat tot voordeel van al die lede is.

Reguleerders

Reguleerders is organisasies wat deur die regering ingestel is om reëls en regulasies maak, en die

aktiwiteite van besighede te kontroleer.

Besighede wat saamspan en reguleerders tot ‘n mate beïnvloed.

‘n Verteenwoordiger van die besighede kan byvoorbeeld, d.m.v. invloedwerwing, dit regkry dat die

reguleerders sekere wette verwyder of nie instel nie, sodat die besighede hul doelwitte kan bereik.

Vakbonde

Besighede kan ook die besluite van vakbonde beïnvloed as hulle poog om ‘n goeie verhouding met

hulle op te bou.

Besighede kan dit regkry deur betrokke te raak in kollektiewe bedingingsessies met die vakbonde,

waarin hulle sekere kwessies wat hulle raak, verduidelik aan hul leiers, en probeer om hulle sover te

kry om hul kant van die saak in te sien.

MARK

Besigheid se beheer oor die omgewings

MAKRO

Invloed oor die MAKRO-OMGEWING

Besighede het GEEN BEHEER oof die makro-omgewing nie. Die volgende faktore kan nie

deur die besigheid beheer word nie:

Politiese faktore soos regeringsbeleid en politieke stabiliteit

Ekonomiese faktore soos infl asiekoers en wisselkoersskommeling.

Sosiale faktore soos lae inkomstevlakke van verbruikers en werkloosheid.

Tegnologiese faktore soos nuwe tegnologie en internet infrastruktuur.

Wetlike faktore soos nuwe wetgewing en arbeidswette.

Omgewingsfaktore soos klimaatsverandering en omgewingsvolhoubaarheid

Besighede kan invloedwerwing doen vir gesamentlike vertroue

Besighede kan verskansing teen inflasie doen deur surplus fondse (geld) te belê in goud,

olie, eiendom, ens.

Besighede kan met mekaar netwerk om sekere tegnologiese uitdagings te oorkom.

Maniere hoe besighede betrokke kan raak

in die MAKRO OMGEWING

Skep werksgeleenthede vir mense van die gemeenskap

Onderneem sosiale verantwoordelikheidsprogramme om die welstand

van die gemeenskap te verbeter.

Verbeter uitvoermarkte deur nuwe markte in Afrika te ontgin.

Onderneem wetenskaplike navorsingsprojekte om tradisionele

medisyne te verbeter.

Raak betrokke in kollektiewe bedinging of invloedwerwing om

werksomstandighede of wetgewing van die regering te verbeter.

Raak betrokke by Privaat/Publieke/vennootskappe en voorsien

infrastruktuur vir die land.

Voorsien onderwys en opleidingsprogramme vir werknemers om

dienslewering te verbeter.

Voordele as besigheid betrokke in die

MARKO OMGEWING

Hulle kry goeie publisiteit, trek en behou lojale klante.

Trek en behou goeie vaardige werknemers uit die gemeenskap.

Bekom regeringstenders en kontrakte wat net gegee word aan besighede wat

betrokke is in die makro-omgewing.

Kan belastingafslag kry vir betrokkenheid in die gemeenskap.

Besighede kan vinniger uitdagings in die makro-omgewing antisipeer en

strategieë uitwerk om dit te oorkom.

Trek goeie beleggers wat wil belê in besighede wat betrokke is in die makro

omgewing.

Voorkom skade aan die omgewing en verminder die koolstofvoetspoor op die

omgewing.

Hulle is beter bekend met die ouderdom, geslag, gewoontes, tradisies en

voorkeure van mense wat dit makliker sal maak om kliënte te trek of te werf.