pagbasa g1

Mga Batayang Kaalaman sa Pananaliksik

Layunin

• Pagkatapos ng araling ito, ang mga mag-aaral ay inaasahang:

  • Natutukoy ang batayang konsepto sa pananaliksik, lalo na ang kahulugan, katuturan, at kahalagahan nito.

  • Natutukoy at nasusuri ang katangian ng isang mahusay na mananaliksik at pananaliksik.

  • Naiisa-isa ang etika sa pananaliksik.

  • Natutukoy at naipapaliwanag ang mga bahagi at proseso ng pananaliksik.

Ano ang Pananaliksik?

• Kahulugan:

  • Ang pananaliksik ay isang sistematikong pag-alam o pagsusuri sa pamamagitan ng imbestigasyon o pagsasagawa ng eksperimento sa pagtuklas at pagbibigay ng interpretasyon sa katotohanan ng isang teorya.

  • Ayon kina Best at Kahn (1998), ang pananaliksik ay isang sistematikong pagsusuri at pagtatala ng mga kontroladong obserbasyong maaaring magpaunlad ng prinsipyo o teorya, maaaring magbunga ng prediksiyon at posibleng ganap na pagkontrol sa mga pangyayari.

Proseso at/o Sangkap ng Pananaliksik

Pagsusuri ng mga Kontroladong Obserbasyon

• Kahalagahan:

  • Sa unang sangkap, kinakailangan ang pagsusuri ng mga kontroladong obserbasyon.

  • Dapat tanungin kung totoo, makabuluhan, at napapanahon ang mga nakikita, nababasa o naririnig na impormasyon.

  • Nagiging kontrolado ang obserbasyon dahil pinipili at sinusuri ang mga bahagi o aspekto na may kaugnayan sa suliraning nais bigyang solusyon.

Halimbawa:

• Isang halimbawa ng pagsasuri ng kontroladong obserbasyon:

  • Nais imbestigahan ang antas ng pagiging makabayan ng kabataan ngayon.

  • Obserbasyon: Maaaring makita ang mga kapwa mag-aaral na tumatangkilik sa mga produktong Pilipino.

  • Hindi sapat ang obserbasyon na ito para masabing makabayan ang kabataan.

  • Kinakailangang gumamit ng questionnaire para sukatin ang makabayan na damdamin.

Pagpapaunlad ng Prinsipyo o Teorya

• Kahalagahan:

  • Ang mga obserbasyong nakalap at nasuri ay inaasahang makapag-ambag sa prinsipyong g ginagamit o sa mismong paksa.Halimbawa, makabayan ng kabataan.

  • Mahalagang pag-aralan ang mga prinsipyong o teoryang kaugnay ng paksa.

Pagpapabunga ng Prediksyon o Solusyon

• Kahalagahan:

  • Ang pananaliksik ay inaasahang magbubunga ng isang makabuluhang prediksyon o solusyon sa suliranin.

  • Ang mga prediksyong nabuo ay maaaring gamitin upang makapagpatupad ng mga pagbabago na makapagpapaunlad sa paksa.

Kahalagahan ng Pananaliksik

• Mga Benepisyo:

  • Nakakatulong sa pagbuo ng bagong kaalaman.

  • Nagbibigay ng solusyon sa problema.

  • Nagpapatunay ng katotohanan ng isang ideya.

  • Nagbibigay-linaw sa mga pinagtatalunang isyu.

  • May ambag sa iba't ibang larangan (medisina, edukasyon, negosyo, agrikultura).

• Halimbawa sa iba't ibang larangan:

  • Sikolohiya: Ginamit ang Marshmallow Test upang pag-aralan ang delayed self-gratification ng mga bata.

  • Agrikultura: Nakatutulong sa pagbuo ng mas dekalidad na binhi ng palay.

  • Negosyo: Ginagamit ang feasibility study para malaman ang potensyal na kita ng negosyo.

Katangian ng Mahusay na Pananaliksik

• Katangian:

  • May pagsusuri sa datos at impormasyon.

  • May hypothesis at malinaw na layunin.

  • Sumusunod sa sistematikong proseso.

  • May tiyak na saklaw at limitasyon.

  • Nakabatay sa wastong datos at impormasyon.

  • Walang kinikilingan at walang pandaraya.

• Katangian ng Isang Mananaliksik:

  • May interes at kuryosidad sa paksa.

  • Naghahanap ng mapagkakatiwalaang impormasyon.

  • Mapanuri sa mga sanggunian at datos.

  • Nag-eebalwasyon ng nakalap na impormasyon.

  • Nakabubuo ng kongklusyon mula sa datos.

  • Naipapakita nang maayos ang resulta ng pananaliksik.

Iba pang Mahahalagang Katangian

• Matiyaga:

  • Naglalaan ng talino, panahon, at lakas para sa mabusising paghahanap.

• Sistematikong:

  • Sumusunod ng tamang proseso upang hindi masayang ang oras.

• Maingat:

  • Tungkol sa kalidad at kredibilidad ng pinagkukunan ng datos.

• Analitikal:

  • Sinusuri ang mga paksang kaugnay ng napiling paksa.

• Kritikal:

  • Bumubuo ng makabuluhang kongklusyon at rekomendasyon.