Tayutau (Figures of Speech)

Simili o Pagtutulad

Gumagamit ng pagkukumpara na mga salita sa pinag-uusapan.

Halimbawa:

• Tila ‘di makabasa piggan ang katangian ng babaeng gusto niya.
  (‘di makabasag pinggan – mahinhin)

Metapora o Pagwawangis

Direkta ang pagkukumpara sa pinag-uusapan.

Halimbawa:

• Si Marcus ay kayod-kalabaw para lang masustentuhan ang sariling pag-aaral.
  (kayod-kalabaw – halos walang tigil kakatrabaho)

Personipikasyon

Gumagamit ng pandiwa o verb para magkaroon ng buhay ang isang bagay o abstrak sa pangungusap.

Halimbawa:

• Umiiyak na ang kaniyang pitaka dahil wala pa rin siyang trabaho.

Hayperboli o Pagmamalabis

Eksaherasyon ang mga salita para magpa-impress, mag-discourage o magbigay ng dramatikong paglalarawan.

Halimbawa:

• Nais ko masilayan muli ang iyong nakamamatay na ngiti.

Oksimoron o Pagtatambis

Pinagsama ang dalawang magkasalungat na salita o magkaibang kahulugan na salita para magkaroon ng epekto sa buong pangungusap.

Halimbawa:

• Ang kanilang pagkakaibigan sa sampung taon ay nagdaan sa saya at lungkot, away at bati, at init at lamig na nagpatibay ng kanilang samahan.

Onomatopeya o Paghihimig

Pinapangalanan ang bagay o aksiyon sa tulong ng pagbibigay tunog nito.

Halimbawa:

• Malakas ang kabog ng dibdib noong una kitang nakilala.

• Nakarinig ako ng ding-dong kaya agad akong lumabas para buksan ang pintuan.

Eupemismo o Paglumanay

Paraan ito para pag-usapan ang itinuturing na sensitibong usapin.

Halimbawa:

• Maliksi pa rin kumilos ang aking lolo kahit may-edad na siya.

Pag-uyam

Kabaliktaran ng literal na kahulugan.

Halimbawa:

• Tunay na mapagkakatiwalaan si Katrina dahil kinikilala siyang ahas.

Pagpapalit-saklaw o Senekdoke

Ito ay pagbanggit sa bahagi ng isang bagay o ideya bilang pagtukoy ng kabuuan.

Halimbawa:

• Hiningi ko ang kamay ni Grace sa kaniyang magulang.
  (Tumutukoy ang kamay bilang kabuuang pagkatao ni Grace.)

• Isang bubong ang tinitirahan ng bagong lipat na pamilya.
  (Tumutukoy sa bahay, hindi lamang sa bubong.)