Afrikaans P2 June Q n A

Wat is die ruimte van die Koning Van Die Townships?

Elsiesrivier

Waarmee begin die Koning Van Die Townships? ((×1))

Met Seppie se begrafnis.

Hoe word die woonbuurt in die Koning Van Die Townships gedestabiliseer? (Noem DRIE maniere) ((×3)

Skoolhoofde sluit skole; ouers hou kinders by die huis; polisie-teenwoordigheid soos in die tagtigerjare

Hoekom word die woonbuurt in die Koning Van Die Townships gedestabiliseer? ((×2))

Vanweë Seppie se begrafnis en die vrees vir hernieude bendegeweld.

Verduidelik die ironie in die Koning Van Die Townships: "'n Sarsie skote word die lug ingevuur om nog meer aan 'n militêre begrafnis te herinner." ((×1))

Dit is ironies omdat 'n bendelid (Seppie) 'n militêre begrafnis kry, terwyl hy 'n misdadiger was.

In watter opsig het Seppie se begrafnis aan 'n militêre begrafnis herinner? Hoekom is dit ironies? ((×1))

Dit het herinner aan 'n militêre begrafnis deur die skote wat ingevuur is en die konvooi BMW's. Ironies omdat Seppie 'n berugte bendeleier was, nie 'n soldaat nie.

Watter tipe verteller vertel die Koning Van Die Townships?

Derdepersoonverteller (vanuit meneer Brydon se perspektief)

Vanuit watter karakter se perspektief word die Koning Van Die Townships vertel? ((×1))

Meneer Brydon

Hierdie verhaal word deur middel van (terugflitse / herhaling) vertel. Kies die korrekte antwoord. ((×1))

Terugflitse.

Die verhaal se ruimte is (a)… Die hoofkarakter (b)… alias Seppie was 'n intelligente leerder en 'n natuurlike (c)… op skool. Hy verlaat die skool en word die berugte bendeleier van die (d)… ((×1)

(a) Elsiesrivier; (b) Jacob September; (c) leier; (d) Young Ones

Wat is die naam van die protagonis/hoofkarakter? ((×1))

Jacob September

Wat is sy bynaam? ((×1))

Seppie.

Hoe het Seppie sy gunstelingonderwyser, meneer Brydon, beskerm?

Hy het gesê: "Solank ek liewe, sal Menee' safe loop innie Elsies." (Hy het belowe om hom te beskerm.}

Beskryf die verhouding tussen Seppie en mnr. Brydon.

Mnr. Brydon het belang gestel in Seppie se welstand; Seppie het hom gerespekteer en beskerm. Hulle het privaat gesels en Brydon het hom gehelp om aan te bly by die skool

Gee 'n beskrywing van Seppie as 'n skoolleerder. Noem TWEE feite.

Hy was intelligent, kaptein van die rugbyspan, 'n gebore leier

Hoekom het Seppie in gr.11 die skool verlaat?

Hy wou geld verdien as 'n taxi-guard omdat sy pa werkloos was en sy ma 'n dronk was.

"Onmiddellik het hul bespreking tot 'n fluistertoon verdof." Hoekom?

Omdat Seppie in hul rigting gekyk het – hulle het hom gerespekteer (of gevrees).

Hoe verskil Seppie die bendeleier van Seppie die skoolseun?

As skoolseun was hy 'n positiewe leier en rugbyspeler; as bendeleier was hy gevrees, meedoënloos en misdadig (roof, moord, verkragting).

Wat het daartoe gelei dat hy in die tronk beland het?

Hy het 'n jong dogter verkrag en sy het die moed gehad om teen hom te getuig

Hoe het Seppie koning van die townships geword?

Sy bende, die Young Ones, het al die ander bendes oorgeneem (hulle het gevlug of aangesluit), en hy het die dwelmhandel in Elsiesrivier beheer

Wie is die leier van die Young Ones?

Seppie (Jacob September)

Hoe het die Young Ones Elsiesrivier oorgeneem?

Hulle het oorlog gevoer teen al die ander bendes; die ander bendes het óf gevlug óf by die Young Ones aangesluit

In watter opsig was Seppie onaantasbaar?

Hy het die polisie in die palm van sy hand gehad (polisie-beskerming, lêers het verdwyn) en hy was te magtig om gearresteer te word.

Seppie was 'n berugte bendeleier. Verduidelik waarom hierdie stelling WAAR is.

Hy was die alleenheerser oor die dwelmhandel, betrokke by roof, moord en verkragting, en die polisie kon hom nie keer nie

Wat word bedoel met gewillige "slagoffers"?

Meisies wat vrywillig met hom seks gehad het.

Waaruit is dit duidelik dat Seppie verkragting as 'n daad van geweld beskou?

Hy het gesê die meisie moes 'n les geleer word omdat sy op hom neergesien het ("haa' hoeg gehou en op my nee' gekyk")

Hoekom het Seppie uiteindelik in die tronk beland?

Omdat hy 'n jong dogter verkrag het en sy teen hom getuig het; geen borgtog nie.

Hoekom het mnr. Brydon hom in die tronk besoek?

Uit nuuskierigheid en om sy gewete te salf.

Hoekom, dink jy, was Seppie in die tronk vermoor?

Omdat ander bendelede hom wou doodmaak (waarskynlik uit jaloesie of wraak).

Wat het met Seppie in die tronk gebeur?

Hy is vermoor: bendelede het 'n kussing oor sy gesig gedruk en sy keel met 'n vlymskerp lepel afgesny

Hoe het Seppie moontlik die tatoeëermerk op sy voorkop gekry?

In die tronk, waarskynlik deur ander bendelede as 'n teken van skande.

Wat suggereer mnr. Brydon met: "Toe hy die tatoeëermerke op die lyk se voorkop gesien het, het alle simpatie ... uit hom verdwyn."?

Hy suggereer dat Seppie gekry het wat hy verdien het; die tatoeëermerk (vloekwoorde) toon Seppie se gebrek aan respek.

Verduidelik die ironie in Seppie se afskeidswoorde. (

Hy sê hy worrie nie omdat hy 'n kort rukkie koning was, maar hy is dood en sy "koningskap" het hom vernietig

Hoekom is Seppie se afskeidswoorde aan meneer Brydon so tragies?

Omdat hy sy lewe weens kortstondige roem opgemors het; hy was jonk en kon iets beteken het, maar kies die bendelewe

Wat is die boodskap van die verhaal?

Jy moet nie jou lewe weens kortstondige roem opmors nie

Wat is die tema?

Tieners wat weens negatiewe omstandighede hulle potensiaal negatief gebruik

Hoe kon mnr. Brydon verhoed het dat Seppie 'n bendeleier geword het?

Deur meer betrokke by sy omstandighede te wees, hom te help met finansies of 'n mentor te wees.

Watter tipe verteller vertel Verneukkind?

Derdepersoonverteller vanuit Jessica se perspektief

Waar woon Jessica?

Elsiesrivier.

By wie woon Jessica?

Ouma Kytie.

Waarom hardloop Jessica aan die begin van die verhaal huis toe?

Sy wil die donderweer tel – sy glo haar ma sal kom as dit sewe keer donder.

Hoe voel sy oor die aanwesigheid van die wolke?

Dit voel of die wolke teen haar lyf lê, soos 'n kombers wat die koue weghou – dit gee haar hoop.

Wat is Jessica se grootste bygeloof?

Haar ma sal terugkeer die dag as dit sewe keer donder

Om watter ander redes kan Jessica as bygelowig beskryf word?

Sy soek tekens (onverwagse blom, bure wat nie baklei nie, goeie opstelpunte)

Noem DRIE redes hoekom Jessica nie gelukkig is waar sy bly nie

Ouma Kytie is moeilik en ongeduldig; sy het nie haar ma nie; sy moet bedel vir kos.

Beskryf ouma Kytie se houding teenoor Jessica.

Sy is moeilik, ongeduldig en het geen verdraagsaamheid nie.

Hoe weet jy dat ouma Kytie ook nie geduld met Jessica se ma gehad het nie?

Sy sê vir Jessica: "Jirre, jou ma was ook soe lastig."

Wanneer bedel Jessica gewoonlik?

Smiddae na skool.

Wie het vir Jessica leer bedel?

Ouma Kytie.

Waarom verkies Jessica om by vroue te bedel?

Vroue se harte is sagter; sy kies ook vir haar 'n nuwe ma

Na wie verwys Jessica as sy sê: "'n nuwe ma"?

Die vrou by wie sy bedel.

Wat is die eerste ding waarvoor Jessica vra?

n Brood.

Hoe verneuk Jessica die vrou by wie sy bedel?

Sy kry die vrou om eers ja te sê vir die brood, dan vra sy vir aartappels, rys en hoender

Noem drie bewyse dat Jessica, selfs wanneer sy bedel, aanhoudend aan haar ma dink

Sy verbeel haar die vrou se hand is haar ma se hand; sy kies vroue as 'n nuwe ma; sy hoop haar ma kom terug na die donderslae.

Verduidelik die kontras tussen Jessica se toekomsdroom en haar huidige omstandighede.

Sy droom van 'n grênd huis met 'n tuin vol bergblomme en genoeg geld, maar sy woon in 'n woonstel in Elsiesrivier en moet bedel vir kos

Wat is Jessica se toekomsdroom?

Om in 'n grênd huis met 'n tuin vol bergblomme te woon saam met haar ma.

Verduidelik hoekom Jessica haarself as die verneukkind beskou.

Sy voel sy word deur die lewe (en haar ma) verneuk omdat haar ma nie terugkom nie, en sy verneuk self die mense by wie sy bedel

Verduidelik die dubbelsinnige betekenis van die titel.

1) Sy is moontlik 'n buite-egtelike kind; 2) sy verneuk die mense by wie sy bedel; 3) sy word deur die lewe verneuk

Daar was agt donderslae in plaas van sewe. Hoe het dit Jessica se siening oor die toekoms beïnvloed?

Haar ma kom nie, maar sy gee nie moed op nie – sy bly hoop (die verhaal eindig met spanning, maar sy is nie gebroke nie).

Wat is die verband met 'n tradisionele sprokie?

Hoofkarakter wil gered word; daar is 'n nare ouma/heks; die magiese getal sewe. Maar geen gelukkige einde nie

Hoe bou spanning op in die verhaal?

Die donderslae word afgewissel met terugflitse na die bedelary, en tel al nader aan sewe

Wat is die tema van hierdie verhaal?

Moet nooit moed verloor dat jy nie uit 'n ongelukkige situasie kan ontsnap nie

Watter etiese les kan ons by Jessica leer?

Wees dapper en verloor nie hoop nie, selfs al lyk die omstandighede sleg

Watter tipe verteller is aan die woord in Die Geskenk ?

Eerstepersoonsverteller (die dogter).

Waar woon die dogter en haar pa?

In 'n huis met 'n groot glasvenster wat op 'n baai uitkyk (naby die see)

Wanneer sien die verteller haar pa? Noem TWEE tye.

Soggens by brekfis, en soms wanneer hy sy drankie drink voor hy uitgaan

Haal een woord uit die eerste paragraaf aan wat bewys dat hulle naby die see woon.

"baai"

Wat is die naam van die vrou wat die verteller versorg?

Nora.

Wat het met die verteller se ma gebeur?

Sy is oorlede (dit word gesuggereer).

Verduidelik wat die verteller impliseer met: "Eers was die liggies vir my mooi, maar nou ... my keel word droog en ek kan nie praat nie."

Sy voel hartseer en ongemaklik omdat haar pa nie regtig aandag aan haar gee nie.

Hoe het die dogter uitgevind dat haar pa iemand anders sien?

By die skool het die ander kinders vir haar gesê.

Wat is 'n weduvrou?

'n Vrou wie se man oorlede is

Hoekom is dit hartseer dat die verteller nie haar pa sal ken as hy saam met hierdie vrou is nie?

Omdat hy met haar lag en haar onder die elmboog vat – iets wat hy nooit by die huis doen nie. Die pa is anders as hy by die weduvrou is.

Hoekom het die verteller se pa nie self vir haar van die ander vrou gesê nie?

Hy skaam hom of hy wil haar nie seermaak nie.

Na wie verwys "hulle" in "my kop op hulle kussing"?

Haar pa en haar oorlede ma (haar ouers).

Waarom het die spreker haar kop op hulle kussing neergesit?

Sy verlang na haar ma en soek vertroosting

Wat het die verteller langs die bed gesien?

Die rekening van die juwelierswinkel vir 'n goue horlosie.

Die horlosie was baie duur. Haal VIER AGTEREENVOLGENDE WOORDE aan wat dit bewys.

"vir 'n baie groot klomp geld".

"'n Maand gelede is nie so vreeslik lank nie." Wat suggereer die dogter?

Dat haar pa die horlosie vir die weduvrou gekoop het, en dit is nog nie lank gelede nie – sy is seergemaak.

Skryf die gebeure in die korrekte VOLGORDE: (1) Pa gee vir dogter 'n geskenk. (2) Dogter sien 'n rekening. (3) Dogter gee die gebreekte geskenk terug. (4) Pa gaan uit eet.

Korrekte volgorde: (4) → (2) → (1) → (3).

Hoekom is die verteller verbaas dat haar pa vir haar 'n geskenk gee?

Omdat dit nie haar verjaardag is nie, en hy gee gewoonlik nie aandag aan haar nie

Wat het die pa vir die dogter gegee?

'n Goue horlosie (outomatiese horlosie).

Hoekom het die dogter gesukkel om die geskenk te aanvaar?

Sy het geweet dit was oorspronklik vir die weduvrou bedoel

Vir wie was die goue horlosie oorspronklik bedoel?

Die weduvrou

Waarna verwys die titel van die verhaal?

Die horlosie wat haar pa vir haar gee, maar wat eintlik vir die weduvrou was

Hoekom het die verteller Dettol op die horlosie gegooi?

Om die reuk van die ander vrou (die weduvrou se parfuum) af te kry

Verduidelik waarom die horlosie nie meer werk nie.

Sy het die binnewerking (hefboompies, veertjies) gekrap en gebuig

Waarom het die verteller nie die horlosie aanvaar nie? Gee TWEE redes.

1) Dit was vir iemand anders bedoel (die weduvrou). 2) Dit het aan die ander vrou se parfuum geruik

"Die horlosie werk nie, Pa. Pa kan dit maar terugvat." Waarom het die verteller dit gesê?

Sy wys dat sy nie sy geskenk wil hê nie – sy verwerp hom soos hy haar verwerp het.

Waarom het die spreker nie 'n naam nie?

Sy is nie belangrik genoeg vir haar pa nie; die fokus is op die volwassenes.

Waarna verwys die titel? (letterlik en figuurlik) van Here Be Dragons

Letterlik – verwys na die gebruik eeue gelede om drake of seemonsters op onbekende dele van wêreldkaarte te teken. Figuurlik – die gevare van die internet (virusse, pedofiele, ens.

Hoe weet ons dat die pa sy seun teen die internet wil beskerm?

Die seun vra hom om oop hart te hou, maar die pa sal 'n vuurwal gooi en die seun self die kuberstorm laat veg.

Hoe het die spreker toegang tot die internet gekry?

Hy gebruik sy pa se kodewoord (wagwoord).

Identifiseer die beeldspraak in strofe 1

Personifikasie ("my muis surf dwingend op nuwe ruimtes af")

Haal 'n voorbeeld van personifikasie in die eerste strofe aan

"my muis surf dwingend op nuwe ruimtes af"

Noem enige TWEE woorde in die gedig wat 'n mens aan 'n reis laat dink.

"reis", "Pole", "Parys" (enige twee).

Noem TWEE goed wat in die moderne tyd vergelyk kan word met die "drake" en "seemonsters".

Virusse, wurms, Trojaanse perde, pedofiele, sluipdiewe (enige twee)

Watter reël in die eerste 16 reëls sê dat die spreker vol selfvertroue is?

"ons keyboards is wyser as jy dink" (reël 10) of "ons wéét, pa" (reël 9)

Waarom word "wéét" in reël 9 beklemtoon?

Om die spreker se selfvertroue oor sy kennis te beklemtoon

"kodewoord" is 'n voorbeeld van 'n (neologisme / metafoor). Kies en verduidelik.

Neologisme – dit is 'n nuwe woord wat gevorm is uit Engels (password) + Afrikaanse woordorde